Ким, исто така, посетил градилиште на друга локација, каде што се гради нуклеарна подморница од 8 700 тони, способна да лансира ракети земја-воздух. Но, КЦНА не ја наведе локацијата или датумот на неговата посета
Севернокорејскиот лидер Ким Џонг-ун и неговата ќерка Џу Ае присуствуваа на пробно лансирање на ракета со долг дострел земја-воздух. Како што објави Севернокорејската новинска агенција (КЦНА), ракетата уништила цели во воздухот на растојание од 200 километри.
Здружениот генералштаб на Јужна Кореја потврди дека Северна Кореја тестирала ракета.
Ким, исто така, посетил градилиште на друга локација, каде што се гради нуклеарна подморница од 8 700 тони, способна да лансира ракети земја-воздух. Но, КЦНА не ја наведе локацијата или датумот на неговата посета.
Ким истакна дека Северна Кореја гради повеќе напаѓачки разорувачи и нуклеарни подморници.
Според аналитичарите, дизајнот на трупот на подморницата укажува дека таа е опремена со нуклеарен реактор и оти е подготвена да исплови.
Изминатиот период Ким и неговата ќерка Џу, пред партискиот конгрес на Работничката партија на Кореја, често се појавуваат во јавност, посетувајќи училишта, фабрики, а присуствуваа и на отворање на хотели.
Работничката партија на Кореја одржува конгрес на секои пет години, а следниот е предвиден за почетокот на 2026 година, каде што се очекува да биде претставен нов план за развој за следните пет години. Државните медиуми, како што е „Родонг Синмун“, повикаа на сеопфатен јавен напор за завршување на големите проекти пред повторното обединување.
Џу е фаворитка за наследување на својот татко како лидер на Северна Кореја.