fbpx
Свет

Земјотрес со јачина од 7,6 степени го погоди источниот брег на Јапонија, издадено предупредување за цунами

360степени | 8 декември, 2025 17:41

Според првичните извештаи, бранови со висина од три метри би можеле да го погодат североисточниот брег на земјата, а предупредувања за цунами се издадени за префектуриите Хокаидо, Аомори и Ивате, пренесува „Гардијан“

Силен земјотрес со магнитуда од 7,6 степени според Рихтеровата скала го потресе брегот на Јапонија што ги принуди надлежните власти да издадат предупредување за цунами и наредба за евакуација на жители од блиското подрачје, јавуваат светските медиуми.

Епицентарот на земјотресот во близина на источниот брег на Јапонија / Извор: ЕМСЦ

Потресот се случил во 23:15 часот според локално, односно 15:15 часот според средноевропско време. Епицентарот на земјотресот бил на 80 километри од префектурата Аомори, на длабочина од околу 50 километри, соопшти Јапонската метеоролошка агенција (ЈМА).

Според првичните извештаи, бранови со висина од три метри би можеле да го погодат североисточниот брег на земјата, а предупредувања за цунами се издадени за префектуриите Хокаидо, Аомори и Ивате, пренесува „Гардијан“. Засега, според ЈМА, забележани се бранови во висина од 20 до 50 сантиметри на неколку пристаништа.

На јапонската скала за сеизмички интензитет, која е од еден до седум, денешниот потрес бил регистиран како „висок шест“ во префектурата Аомори.

Засега не се пријавени неправилности во работата на нуклеарните централни во реагинонот, управувани од „Тохоку електрик пауер“ и „Хокаидо електрик пауер“, соопштија од претпријатијата.

Сепак, како што наведел од „Тохоку електрик пауер“, илјадници протрошувачи останале без електрична енергија.

Јапонија е една земјите во светот што се најмногу изложени на земјотреси, кои се случуваат во просек на секои пет минути.

Сместена во опсегот на т.м. „Огнен прстен“, подрачје со голем број вулкани и океански раседи во дел од Тихоокеанскиот басен, во Јапонија се случуваат околу 20 отсто од земјотресите со јачина од 6 степени според Рихтеровата скала или повеќе.

©2025 360 степени, Сите права се задржани