Градоначалникот на Киев, Виталиј Кличко изјави дека меѓу повредените е тринаесетгодишно момче
Најмалку едно лице загина, а 15 се повредени, меѓу кои и дете, во голем руски напад со ракети и беспилотни летала врз Киев, што се случи синоќа.
Цел на нападите се станбени згради, предизвикувајќи голема штета и пожари.
Првите експлозии и беспилотни летала се случија веднаш по 1 часот наутро, а нападите продолжија со часови во бранови. Посилен напад следе околу 7 часот наутро, кога руските сили испукаа десетици ракети кон главниот град, вклучувајќи хиперсонични ракети „кинжал“.
Локалните власти пријавија штета на најмалку шест локации во општините Свјатошински, Днепровски, Дарницки, Шевченковски и Соломјански.
Kyiv tonight‼️ pic.twitter.com/dp0Ei6CtHZ
— Kate from Kharkiv (@BohuslavskaKate) November 29, 2025
Градоначалникот на Киев, Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите на заканата од напад со балистички ракети и ги повика да останат во засолништата.
Шефот на воената администрација на Киев, Тимур Ткаченко, изјави дека во нападите загинало едно лице, како и дека варира бројот на повредени.
По утринскиот бран напади, жителите на неколку делови од градот останаа без електрична енергија. Западниот дел од Киев е без електрична енергија, а службите за итни случаи работат на отстранување на дефектите.
Намален притисок на водата има во зградите на десниот брег на Днепар.
Ukraine’s capital, Kyiv, in under a massive Russian drone and missile attack tonight.
— OSINTtechnical (@Osinttechnical) November 29, 2025
Seen here, a Russian Shahed attack drone slams into a residential neighborhood, exploding. pic.twitter.com/z2zTHlTaaf