Бислимоски потсети дека парното греење и понатаму е најекономично решение
Од 1 декември цената на топлинската енергија за домаќинствата ќе се зголеми во просек за 5,9 проценти, соопшти денеска претседателот на Регулаторната комисија за енергетика Марко Бислимовски.
За корисниците што се снабдуваат преку најголемиот систем (ЕСМ дистрибуција, ЕСМ снабдување и ЕСМ производство) поскапувањето изнесува во просек 5,9 отсто, додека за потрошувачите на ЕСМ енергетика зголемувањето е 7,6% отсто, а за Скопје Север – енерџи еколинк околу 7,7 отсто.
„Од 1 декември просечната сметка ќе биде зголемена за околу 130 денари, од сегашните 2 200 денари на 2 330 денари“,
истакна Бислимоски.
Тој нагласи дека е потребно долгорочно стратегиско планирање и сериозна модернизација на топловодната мрежа за да се намалат дефектите, да се подобри квалитетот на снабдување и да се овозможи проширување на мрежата.
Бислимоски потсети дека парното греење и понатаму е најекономично решение.
Според него, анализите покажуваат дека доколку сите исклучени корисници повторно се приклучат на системот, сметките би се намалиле за околу 10 проценти.
Во моментов околу 65 000 потрошувачи се снабдуваат со топлинска енергија.