Пожарот избувнал во комплексот со високи згради „Ванг фук корт“ во областа Таи По и брзо бил подигнат на ниво 4 од страна на властите – второ највисоко ниво на опасност од пожар во Хонгконг
Тринаесет лица, вклучувајќи и еден пожарникар, загинаа денеска во катастрофален пожар што зафати станбен комплекс во Хонгконг.
Властите потврдија дека уште 15 лица се повредени. Неколку лица се заробени во комплексот, вклучувајќи 13 постари лица и две бебиња.
Пожарот избувнал во комплексот со високи згради „Ванг фук корт“ во областа Таи По и брзо бил подигнат на ниво 4 од страна на властите – второ највисоко ниво на опасност од пожар во Хонгконг.
Според „Саут чајна морнинг пост“, погодени се најмалку три од осумте станбени блокови, во кои се наоѓаат повеќе од 1 900 стана. Фотографиите и видеата од местото на настанот покажуваат големи облаци чад што се издигаат од скелињата кои се подигнати покрај зградите. На зградите се вршеле работи за реновирање.
Real hell in Hong Kong: fire engulfs massive high-rises
— NEXTA (@nexta_tv) November 26, 2025
Several residential blocks housing thousands of people are burning at once, trapping residents in a blazing inferno. The fire is spreading extremely fast.
At least four deaths have been reported so far, including a… pic.twitter.com/Jpp3rBaRLq
На местото на настанот е распоредена огромна сила. Според Чан Дерек Армстронг, заменик-директор на противпожарната служба на Хонгконг, пожарникарите моментално користат осум противпожарни црева и седум јуришни возила, а на локацијата се испратени 22 екипи.
„Првата дојава за пожарот дојде во 14:51 часот по локално време. По пристигнувањето, пожарникарите ги пречека застрашувачка сцена – гореше скеле, а пожарот брзо се ширеше кон внатрешноста на зградата и околните згради. По пристигнувањето, пожарникарите почнаа да ги гасат пожарите. Во 15:02 часот, противпожарниот аларм беше подигнат на ниво 3. Ситуацијата брзо се влоши, а изгореното скеле почна да паѓа. Во 15:34 часот, противпожарниот аларм беше подигнат на ниво 4. Околу 18:00 часот, противпожарниот аларм беше подигнат на ниво 5“,
објасни Чан.
Досега во гаснењето на пожарот учествуваа 128 противпожарни возила и 57 амбулантни возила, а вкупно 767 пожарникари се распоредени на местото на настанот, додаде тој.
Лидерот на Хонгконг Џон Ли Ка-чиу, изрази сочувство до семејствата на лицата кои загинаа во трагичниот пожар во округот Таи По.
Ли на Фејсбук објави дека одржал итен состанок за да организира целосна помош за погодените жители. Тој рече дека им наложил на противпожарната служба и на бирото за безбедност да сторат сè што е во нивна моќ за да го изгаснат пожарот, да спасат и да обезбедат медицинска нега.
Одделот за социјална помош, исто така, поставил шалтери за помош на местото на настанот, додека администрацијата на болницата го активирала својот план за итен одговор.
Граѓаните се собираат за да го набљудуваат пожарот, а сообраќајот е во хаос.
Пожарот се смета за еден од најсмртоносните во последните речиси триесет години. Трагедијата потсети на мрачната статистика од претходните години.
Имено, посериозни последици беа забележани во 1997 година, кога пожар во караоке бар уби 17 лица. Исто така, се памети пожарот од 2011 година на улицата Фа Јуен, во округот Монг Кок, во кој загинаа девет лица.