Во изјава за новинската агенција АФП, од израелската војска рекле дека не станува збор за продолжение на антитерористичката операција што ја започнаа во јануари оваа година, туку дека се работи за нова операција, без да наведат повеќе детали
Израелската војска уторово соопшти дека започнала голема операција против палестински вооружени групи во окупираниот Западен Брег, јавуваат светските агенции.
„Во текот на ноќта, (изралеските) сили започнаа да дејствуваат во рамките на поголема антитерористичка операција во северниот регион Самарија (на Западниот Брег)“,
се вели во соопштението објавено на платформата Икс.
Во него се додава дека израелските одбранбени сили „нема да дозволат тероризмот да се вкорени во областа“ и дека дејствуваат проактивно за да го спречат.
Overnight, the IDF, ISA, and Israel Border Police began operating as part of a broad counterterrorism operation in the area of northern Samaria.
— Israel Defense Forces (@IDF) November 26, 2025
IDF and ISA forces will not allow terrorism to take root in the area and are acting proactively to thwart it.
Израел го окупираше Западниот Брег во 1967 година.
Во изјава за новинската агенција АФП, од израелската војска рекле дека не станува збор за продолжение на антитерористичката операција што ја започнаа во јануари оваа година, а која првенствено беше насочена кон палестинските бегалски кампови. Оттаму кажале дека станува збор за нова операција, без да наведат повеќе детали.
Насилството на Запад Брег избувна по почетокот на војната во Газа, што беше предизвикана од нападот на Хамас врз јужен Израел на 7 октомври 2023 година.
Оттогаш повеќе од илјада Палестинци, меѓу кои и борци на Хамас, како и многу цивили, беа убиени од израелската војска или израелски доселеници на Западниот Брег, наведува АФП повикувајќи се податоци на палестинските власти.
Во исто време, според официјалните израелски податоци, најмалку 43 Израелци, вклучувајќи цивили и војници, биле убиени во палестински или за време на израелски воени напади.
Насилството на Западниот Брег продолжува со несмален интензитет и по 10 октомври годинава, кога стапи во сила прекинот на огнот меѓу Израел и Хамас во Појасот Газа.
Канцеларијата на Обединетите нации за координација на хуманитарни прашања соопшти дека минатиот месец биле регистрирани најголем број напади врз доселеници на Западниот Брег, во кои имало жртви, материјална штета или и двете, повикувајќи се на податоците што речиси две децнии ги собира за оваа палестинска територија.