Постоењето на планот од 28 точки, кој се чини дека е инспириран од сличен предлог што администрацијата на Трамп го разви за да се стави крај на војната во Газа, прво беше објавено од „Аксиос“ (Axios), а Белата куќа не одговорила на барањето на „Гардијан“ за повеќе детали за предлогот
Министерството за внатрешни работи на Украина соопшти дека 25 лица, меѓу кои три деца, биле убиени во денешниот напад, а уште 73 се повредени, меѓу кои 15 деца
Американски и руски претставници тивко составиле нов план за ставање крај на војната во Украина, кој ќе бара од Киев да се откаже од територијата и сериозно да ја ограничи големината на својата војска, пишува денеска „Гардијан“. Лондонскиот весник пишува дека информациите за планот доаѓаат додека Русија ги продолжува нападите со беспилотни летала и со ракети, а во еден таков напад денеска во градот Тернопол биле убиени најмалку 25 лица.
Нацрт-планот, кој наводно го развиле претставникот на Доналд Трамп, Стив Виткоф, и советникот на Кремљ, Кирил Дмитриев, ќе наметне драконски мерки врз Украина што ќе ѝ дадат на Русија невидена контрола врз воениот и политичкиот суверенитет на земјата. Планот веројатно ќе се смета за предавање во Киев, се додаво во написот.
Според објавеното, формиран е важен, но неофицијален позадински канал на комуникација помеѓу Москва и Вашингтон, но не е јасно дали администрацијата на Трамп формално го поддржала планот.
„Фајненшл тајмс“ и Ројтерс објавија дека предлогот ќе бара од Украина да се откаже од територијата што ја контролира на истокот од земјата и да ја преполови големината на својата војска, услови што украинскиот претседател, Володимир Зеленски, во минатото ги нарече неприфатливи. Други услови вклучуваат ограничување на американската воена помош и категориите на оружје што ги користи украинската војска.
Постоењето на планот од 28 точки, кој се чини дека е инспириран од сличен предлог што администрацијата на Трамп го разви за да се стави крај на војната во Газа, прво беше објавено од „Аксиос“ (Axios). Белата куќа не одговорила на барањето на „Гардијан“ за повеќе детали за предлогот.
„Вашингтон постојано сугерираше дека е блиску до мировен договор меѓу Русија и Украина, но предлозите не успеаја бидејќи ќе ѝ се одобрат на Русија поголемиот дел од нејзините барања, а од Киев ќе бараат да направи болни отстапки“,
се додава во написот.
Протечените извештаи дојдоа откако Русија започна масовен напад во западна Украина, насочен кон неколку повеќекатници во градот Тернопол, како и енергетски објекти во Ивано-Франкивск и во Лвив. Русија е вклучена во систематска кампања за уништување на цивилната енергетска инфраструктура на Украина пред зимата.
Министерството за внатрешни работи на Украина соопшти дека 25 лица, меѓу кои три деца, биле убиени во денешниот напад, а уште 73 се повредени, меѓу кои 15 деца.
16 murdered.
— Olena Halushka (@OlenaHalushka) November 19, 2025
64 injured, including 14 children.
People were sleeping at home — in what they believed was a safe place, somewhere in the middle of a residential district in the western city of Ternopil.
My heart bleeds in agony.
Everyone who supports russia is complicit. pic.twitter.com/nJ4Ip8oc1E
Министерството за енергетика на Украина објави дека имало прекини на електричната енергија во голем број региони низ целата земја.
Украинскиот претседател Володимир Зеленски рече дека Русија испалила повеќе од 470 беспилотни летала и 47 ракети, предизвикувајќи „значајна штета“. Тој предупреди дека може да има луѓе заробени под урнатините во Тернопол.
Видео и фотографии, објавени од Зеленски, покажуваат како една од погодените станбени згради целосно се урива.