Според Управата за хидрометеоролошки работи, од денеска па сè до понеделник земјава ќе биде под влијание на серија влажни воздушни бранови, кои ќе донесат дождливо време, а наместа се очекува врнежите да бидат поројни и пообилни со наврнати и над 30 литри на квадратен метар
Денеска времето во земјава ќе биде променливо облачно, а во вечерните часови и во текот на ноќта кон петок во северните делови се очекува да има повремени локални врнежи од дожд, информираат од Управата за хидрометеоролошки работи (УХМР). Ќе дува слаб ветер од променлив правец.
Утринската температура ќе се движи во интервал од два до девет Целзиусови степени, а максималната дневна ќе достигне од 10 до 17 степени.
Во Скопје, според синоптичарите, се очекува слично време, променливо облачно со повремени врнежи од дожд во вечерните часови и слаб ветер од северен правец.
Според Управата за хидрометеоролошки работи, од денеска па сè до понеделник земјава ќе биде под влијание на серија влажни воздушни бранови кои ќе донесат променливо облачно време со повремени локални врнежи од дожд.
Наместа се очекува врнежите да бидат поројни и пообилни и во текот на 24 часа да наврне поголемо количество дожд, некаде и над 30 лтири на квадратен метар.