Израелското министерство за надворешни работи ги потврди имињата на првите седум ослободени заложници од Хамас – Гали Берман, Зив Берман, Матан Ангрест, Алон Охел, Омри Миран, Еитан Мор и Гај Гилбоа-Далал
Хамас денеска го започна ослободувањето на преостанатите заложници во Газа, според кои седум лица утрово биле предадени на Меѓународниот комитет на Црвениот крст. Ослободувањето на заложниците е дел од договорот за прекин на огнот.
Израелската војска потврди дека седум заложници се предадени на Црвениот крст и се на пат да се сретнат со израелските сили. Се очекува тие да бидат префрлени со авион во воената база Реим во Јужен Израел.
They’re coming home. 💛 pic.twitter.com/HsjiXrvIDP
— Israel Defense Forces (@IDF) October 13, 2025
Израелското министерство за надворешни работи ги потврди имињата на првите седум ослободени заложници од Хамас – Гали Берман, Зив Берман, Матан Ангрест, Алон Охел, Омри Миран, Еитан Мор и Гај Гилбоа-Далал.
„Чекавме 738 дена за да го кажеме ова: добре дојде дома, Алон, Еитан, Гај, Зив, Гали, Омри и Матан!“,
се вели во соопштението на министерството со фотографии од ослободените мажи.
We’ve been waiting 738 days to say this:
— Israel Foreign Ministry (@IsraelMFA) October 13, 2025
Welcome home Alon, Eitan, Guy, Ziv, Gali, Omri, and Matan! pic.twitter.com/od8BbrMueb
Израелските одбранбени сили (ИДФ), како што пишува „Гардијан“, потврдиле дека ги примиле првите седум заложници ослободени според првата фаза од договорот за прекин на огнот на Трамп.
Во соопштение објавено на Икс, ИДФ вели дека ослободените заложници се на пат кон израелска територија, каде што ќе бидат подложени на првична медицинска контрола.
По објавата за ослободување на заложниците на плоштадот во Тел Авив се собрани илјадници луѓе кои мавтаат со израелски знамиња и држат знаци на кои пишува „тие се враќаат дома“.
Crowds in the Hostages Square in Tel Aviv cheer joyfully upon the announcement of the hostages' release.
— Cheryl E 🇮🇱🎗️ (@CherylWroteIt) October 13, 2025
Simply amazing 🩷🥳 pic.twitter.com/ictzZOOpm3
Голем број луѓе веќе се собрани на патиштата во Јужен Израел, во близина на границата со Појасот Газа, чекајќи можност да ги пречекаат назад во Израел дваесетте заложници што ги држи Хамас од 2023 година.
Large crowds have already gathered on roads in Southern Israel near the border with the Gaza Strip, awaiting the opportunity to welcome the twenty hostages held by Hamas since 2023, back to Israel. pic.twitter.com/ty7g9C9f77
— OSINTdefender (@sentdefender) October 13, 2025
Во рок од 72 часа од повторното распоредување на војската, сите 48 заложници што ги држи Хамас треба да бидат ослободени од Појасот Газа и предадени на израелските безбедносни сили.
По ослободувањето на заложниците, Израел ќе ослободи 250 Палестинци осудени или осомничени за безбедносни злосторства, 1 700 возрасни и 22 малолетници притворени во Газа за време на војната, како и телата на 360 борци.
Израелската влада претходно соопшти дека очекува сите 20 живи заложници држени во Газа да бидат ослободени денеска и дека се подготвува за ослободување на околу 2 000 палестински затвореници според договорот за прекин на огнот.