Златото традиционално се смета за чувар на вредноста во време на нестабилност. Како еден од најуспешните инвестициски инструменти во 2025 година, според Ројтерс, спот златото е во пораст од 53 отсто од почетокот на годината, по зголемувањето од 27 отсто во 2024 година
Златото денеска надмина 4 000 долари за унца, достигнувајќи рекордно високо ниво, поттикнато од побарувачката на инвеститорите за безбедно засолниште во услови на растечка економска и геополитичка неизвесност, како и очекувањата за понатамошно намалување на каматните стапки од страна на Федералните резерви на Соединетите Американски Држави (САД), пренесува Ројтерс.
По првпат во историјата цената на златото ја проби границата од 4 000 долари за унца, достигнувајќи со тоа нова пресвртница во светот на финансиите.
На американскиот фјучерсен пазар, златото вчера заврши на ниво од 4004,40 долари за унца, а во текот на денот достигна рекордни 4014,60 долари.
Златото традиционално се смета за чувар на вредноста во време на нестабилност. Како еден од најуспешните инвестициски инструменти во 2025 година, според Ројтерс, спот златото е во пораст од 53 отсто од почетокот на годината, по зголемувањето од 27 отсто во 2024 година,
Независниот трговец со метали Таи Вонг смета дека пазарот во моментов има голема доверба во оваа трговија, па затоа следната цел веројатно ќе биде заокружената бројка од 5 000 долари за унца, со оглед на тоа што Федералните резерви продолжуваат да ги намалуваат стапките.
Порастот на цената на златото е поттикнато од комбинација на фактори, како очекувања за намалување на каматните стапки, политичка и економска неизвесност, силни купувања од централните банки, приливи во ЕТФ-фондовите поврзани со злато и слаб долар.
Пазарната динамика на пониските каматни стапки во САД и моменталната блокада на владата продолжуваат да го фаворизираат златото.
Аналитичарите велат дека и политичките превирања во Франција и во Јапонија, исто така, ја зголемија побарувачката за златото.
На пазарот на другите скапоцени метали, цената на среброто порасна за 1,3 отсто на 48,44 долари за унца, платината порасна за 2,4 отсто на 1 657,33 долари, додека паладиумот доби за 2,3 отсто на 1 368,68 долари.