„Од 1 октомври до 31 декември 2025 година, да се спроведе регрутација на 135 000 граѓани на Руската Федерација на возраст од 18 до 30 години кои не се во резерва и подлежат на регрутација за воена служба“, се наведува во указот што го потпиша Путин
Рускиот претседател Владимир Путин потпиша указ за регрутирање на руски граѓани за воена служба од октомври до декември 2025 година.
Документот е објавен на официјалниот портал каде што се објавуваат указите и законите.
„Од 1 октомври до 31 декември 2025 година, да се спроведе регрутација на 135 000 граѓани на Руската Федерација на возраст од 18 до 30 години кои не се во резерва и подлежат на регрутација за воена служба“,
се наведува во документот.
Со истиот декрет се наредува и отпуштање од воена служба на војници, морнари, водници и подофицери, чиј рок на воена служба е истечен.
Руската влада, регионалните власти и комисиите за регрутација се одговорни за обезбедување на спроведување на сите потребни мерки за регрутација.
На федералните министри, раководителите на федералните служби и федералните агенции им е исто така наложено да обезбедат регрутација на руски државјани вработени во федералните министерства и други федерални извршни тела, како и организации подредени на надлежните федерални извршни тела, во воена служба.