Властите им делат вреќи со песок на жителите, а граѓаните складираат храна, што доведе до големо зголемување на цените на зеленчукот. Сепак, и покрај најавената бура, најавите се дека берзата во Хонгконг ќе остане отворена
Хонгконг се подготвува за супертајфунот Рагаса, најсилниот тропски тајфун за оваа година. Затворени се училиштата и откажани се околу 700 летови.
Тајфунот Рагаса, со ветрови до 220 километри на час, се приближува кон јужната кинеска покраина Гуангдонг, соопшти хонгконшката опсерваторија, која објави дека планира да го зголеми предупредувањето за тајфун на ниво осум, што претставува воедно и такво највисоко ниво.
Се очекуваат ветрови со сила на ураган и обилни дождови, а нивото на морето да се зголеми и до пет метри, што се споредува со разорните тајфуни Хато во 2017 година и Мангхут во 2018 година.
Властите им делат вреќи со песок на жителите, а граѓаните складираат храна, што доведе до големо зголемување на цените на зеленчукот. Сепак, и покрај најавената бура, најавите се дека берзата во Хонгконг ќе остане отворена.
#NSTworld China orders schools, businesses shut in 10 cities as Super Typhoon Ragasa nearshttps://t.co/12GuFVZWAm
— New Straits Times (@NST_Online) September 23, 2025
Кинеските власти во Гуангдонг и другите јужни провинции активираа мерки за заштита од поплави, додека Макао и Шенжен ги затворија училиштата и подготвија засолништа. Тајван евакуира повеќе од 6 000 луѓе од загрозените подрачја, а издадено е и предупредување за копнен и морски сообраќај.
Рагаса вчера го погоди северниот дел на Филипините. Моќната бура предизвика бранови што надминуваат три метри.
Super typhoon hits Philippines as thousands evacuate
— Mark Brewer (@theapril29th) September 22, 2025
Thousands have been evacuated in the Philippines as a super typhoon, described by regional authorities as potentially "catastrophic", makes landfall in the country's northern region.
Super typhoon Ragasa, packing 230km/h… pic.twitter.com/NMuIQHsJQN
Во Кина, властите се подготвуваат да евакуираат 400 илјади луѓе од ниските и крајбрежните области на Шенжен. Во северниот дел на покраината Гуангдонг се откажува и возниот ред на Железницата.