Премиерите на државитее соопштија дека одлуката за признавање на палестинската држава се темели на нивната долгогодишната посветеност за решение со две држави, што, според нив, е единствениот пат кон траен мир и безбедност за израелскиот и палестинскиот народ
Обединетото Кралство, Австралија и Канада денеска објавија дека формално ја признаваат Палестина како суверена држава, пренесува Би-би-си.
Британскиот премиер Кир Стармер ја објави одлуката преку видео-порака, посочувајќи дека таа има за цел да ја оживее надежта за мир за Палестинците и Израелците.
Today, to revive the hope of peace for the Palestinians and Israelis, and a two state solution, the United Kingdom formally recognises the State of Palestine. pic.twitter.com/yrg6Lywc1s
— Keir Starmer (@Keir_Starmer) September 21, 2025
„Соочени со растечкиот терор на Блискиот Исток, дејствуваме за да ја одржиме жива можноста за мир и решение со две држави. Тоа значи безбеден и сигурен Израел покрај одржлива палестинска држава, а во моментов го немаме ниту едното, ниту другото“,
кажа Стармер.
Според него, Хамас нема да има никаква улога во управувањето со палестинскиот народ во иднина и мора да ги ослободи израелските заложници што сè уште ги држи од нападот на 7 октомври 2023 година, со кој започна војната во Појасот Газа.
Оваа одлука, тој на најави уште во јули оваа година, посочувајќи дека тоа ќе се случи доколку Израел не се согласи на прекин на огнот во Појасот Газа, не им дозволи на Обединетите нации (ОН) да достават помош и не преземе други чекори кон долгорочен мир.
Речиси истовремето, палестинската држава ја признаа и Канада и Австралија.
Канадскиот премиер Марк Карни рече дека Канада официјално ја признава државата Палестина и оти тоа го прави со меѓународни партнери, со цел да ја зачува перспективата за решение со две држави.
„Во текот на многу децении, посветеноста на Канада кон решение со две држави, се темелеше на очекување дека овој исход на крајот ќе се постигне како дел од договорено решение. Сепак, таа можност постојано еродираше од неколку случувања, вклучувајќи го нападот на Хамас во 2023 година, резолуцијата на израелскиот парламент со која се поддржува анексија на окупираниот Западен Брег и ограничувањата на израелската влада за хуманиратна помош“,
рече Карни.
Посочи дека Канада ја признава државата Палестина и нуди партнерство за остварување на ветувањето за мирна иднина за Палестина и за Израел.
Австралискиот премиер Ентони Албанезе соопшти дека Канбера им се придружува на Лондон и Отава во донесувањето на оваа историска одлука.
„Австралија ги признава легитимните и долгогодишни аспирации на народот на Палестина за сопствена држава. Денешниот чин на признавање ја одразува долгогодишната посветеност на Австралија на решение со две држави, што отсекогаш е единствениот пат кон траен мир и безбедност за израелскиот и палестинскиот народ“,
пишува тој.
My statement formally recognising the State of Palestine. pic.twitter.com/LnmrX29TCV
— Anthony Albanese (@AlboMP) September 21, 2025
Повеќе од 140 земји веќе презедоа чекори за признавање на палестинска држава, а одлуките на Франција и Велика Британија се особено важни, бидејќи земјите се членки на Групата седум (Г7) и Советот за безбедност на ОН.