Украинскиот претседател Володимир Зеленски го осуди кршењето на воздушниот простор на НАТО во Естонија од страна на Русија како „скандалозно“, повикувајќи ги сојузниците да преземат „решителни мерки“ против Москва
НАТО и Европската Унија го осудуваат упадот на руски борбени авиони во Естонија и изразуваат солидарност со таа балтичка земја. Реакции по навлегувањето на руските авиони има од повеќе европски држави.
Франција, која има распоредено батаљон, вклучувајќи борбени авиони во Естонија, ги нарече упадите на руски воени авиони во балтичките држави отворено кршење на меѓународното право, пишува „Гардијан“.
„Овој упад во Естонија е без преседан повеќе од 20 години“,
се вели во соопштението на Министерството за надворешни работи.
Претходно денеска, како што пишува „Гардијан“, германската делегација во НАТО пријавила уште еден инцидент, велејќи дека нивниот борбен авион „еурофајтер“ полетал од воената база „Лаге“ за да одговори на рускиот воен авион „Ил-20“ кој летал „во близина на воздушниот простор на НАТО без план за лет или транспондерски сигнал“.
Scramble over the Baltic Sea!
— Germany at NATO (@GermanyNATO) September 19, 2025
Today, #NATO activated the 🇩🇪 Quick Reaction Alert detachment from Laage. A Russian IL-20M military aircraft was operating close to NATO airspace without a flight plan or transponder signal. 1/2 pic.twitter.com/xPkfYtYi2m
Украинскиот претседател Володимир Зеленски го осуди кршењето на воздушниот простор на НАТО во Естонија од страна на Русија како „скандалозно“, повикувајќи ги сојузниците да преземат „решителни мерки“ против Москва.
Тој во објава на социјалната мрежа Икс предупредува дека ова не се случајности и наведува долг список на руски повреди на европскиот воздушен простор, вклучително и во Полска, Романија и Естонија, и наводно мешање во изборните процеси во Романија и Молдавија.
„Потребна е систематска реакција. Мора да се преземат силни мерки – и колективно и индивидуално од секоја земја. Русија мора да чувствува зголемена болка под притисокот на светот, првенствено преку својата економија, а тоа најдобро се постигнува со санкции. Во исто време, загубите на Русија во војната мора да продолжат да се зголемуваат, што најдобро се постигнува со силна украинска армија. Им благодарам на сите што помагаат. Европа, Соединетите Американски Држави, групата Г7 – потребни се силни мерки од сите“,
објави тој.
Russian military aircraft once again violated NATO airspace—this time over Estonia. Outrageous. Russia’s destabilizing activity is expanding into new countries and directions. They use every tool: from interference in political processes, as in Romania and Moldova, to violations…
— Volodymyr Zelenskyy / Володимир Зеленський (@ZelenskyyUa) September 19, 2025
Британскиот министер за одбрана Џон Хили вели дека нарушувањето на воздушниот простор на Естонија, членка на НАТО, од страна на руски воени авиони, е најновата опасна активност на Русија во последните денови.
„Најновата неодговорна и опасна активност на Русија е третото нарушување на воздушниот простор на НАТО во последните денови. Но, агресијата на Путин само служи за зајакнување на единството на НАТО и нашата решеност да застанеме на страната на Украина“,
напиша Хили на Икс.
This is yet another edition of the Putin playbook. Russia’s latest reckless and dangerous activity is the third violation of NATO airspace in recent days.
— John Healey (@JohnHealey_MP) September 19, 2025
But Putin’s aggression only serves to strengthen the unity of NATO and our resolve to stand with Ukraine.
И британската министерка за надворешни работи, Ивет Купер, исто така, ја изрази солидарноста на нејзината земја со Естонија, осудувајќи го како „уште едно неодговорно упаѓање на Русија во воздушниот простор на НАТО“.
„Мора да продолжиме да го зголемуваме притисокот врз Путин, вклучително и спроведувањето на важни нови економски санкции објавени во последните денови од Обединетото Кралство и ЕУ“,
изјави таа.
Украинскиот министер за надворешни работи Андриј Сибиха објави на социјалните мрежи дека „денешното навлегување на три руски борбени авиони во естонскиот воздушен простор е уште една ескалација од страна на Русија и директна закана за трансатлантската безбедност“.
„Украина стои зад Естонија во лицето на неодговорното заплашување на Русија. Се согласувам со мојот естонски пријател Маргус Цахкна дека полумерките повеќе не се доволни. Русија мора да го почувствува комбинираниот политички и економски притисок. Додека не добие навистина силен одговор, Москва само ќе станува поарогантна и поагресивна. Време е да се стави крај на чувството на неказнивост на Путин“,
додаде тој.
Чешкиот премиер Петр Фиала, исто така, предупреди дека Русија дополнително ги зголемува тензиите на источната граница на НАТО и тестира колку далеку може да оди.
Тој рече дека нарушувањето на естонскиот воздушен простор ја демонстрира агресијата на режимот на Путин, повикувајќи ја Алијансата „решително да ги зајакне своите одбранбени капацитети“.
Естонската влада денеска соопшти дека три руски воени авиони „МиГ-31“ го нарушиле воздушниот простор на земјата и оти тие биле пресретнати од италијански „Ф-35“ стационирани во Емари во Естонија, како дел од мисијата за воздушна полиција над Балтичкото Море.