Ова е 19. пакет санкции воведени врз Русија од нејзината инвазија на Украина. Се очекува пакетот да ги прошири ограничувањата врз кинеските компании, наводно поради притисок од американскиот претседател Доналд Трамп
Претседателката на Европската комисија Урсула фон дер Лајен денеска ќе го претстави најновиот пакет санкции против Русија, кој бара од земјите членки да одобрат нови ограничувања насочени кон танкерите за нафта и финансиските институции, пишува „Политико“.
Веста ја потврди главната портпаролка на Комисијата, Паула Пињо.
„Можеме да потврдиме дека Комисијата усвои нов пакет санкции против Русија“,
рече таа.
Се очекува Фон дер Лајен и шефицата за надворешна политика на ЕУ, Каја Калас, подоцна во текот на денот да ги изложат деталите од предлогот. Новите мерки треба да вклучуваат дополнителни набројувања на таканаречените бродови од „флотата во сенка“, кои транспортираат руска нафта, кршејќи го горниот лимит на цените утврден од Г7.
Ова е 19. пакет санкции воведени врз Русија од нејзината инвазија на Украина. Се очекува пакетот да ги прошири ограничувањата врз кинеските компании, наводно поради притисок од американскиот претседател Доналд Трамп.
Дополнително, се очекува да биде презентиран предлог за постепено елиминирање на увозот на руски гас до почетокот на 2027 година, цела година порано од првично планираното.