Според претседателката на Црвениот крст, луѓето во Газа не ни можат да ги следат наредбите за евакуација бидејќи се гладни, болни, повредени или изнемоштени
Претседателката на Меѓународниот црвен крст, Мирјана Шпољариќ Егер, денеска предупреди дека е невозможно да се осигури безбедноста на луѓето за време на масовната евакуација на градот Газа бидејќи Израел ги засилува нападите.
„Невозможна е некогаш да биде спроведена масовна евакуација на градот Газа на безбеден и достоинствен начин под сегашните услови“,
изјави Шпољариќ Егер.
Според неа, евакуацијата би предизвикала масовно раселување на населението кое ниедно друго подрачје во Појасот Газа не е во можност да го апсорбира во време на сериозен недостиг на храна, засолниште и медицински материјали.
Израелската војска вчера изјави дека ќе „продолжи да ги поддржува хуманитарните напори со тековните маневри и офанзивни операции против терористичките организации во Појасот Газа за да ја заштити државата Израел“.
Израел ги повика цивилите да одат на југот од палестинската енклава.
Но се погласни се несогласувањата на европските водечки држави кои бараат од Израел да обезбеди проток на хуманитарна помош и итно да прекине со нападите врз цивилите.
Според претседателката на Црвениот крст, луѓето во Газа не ни можат да ги следат наредбите за евакуација бидејќи се гладни, болни, повредени или изнемоштени.
Меѓународното хуманитарно право бара од Израел да им обезбеди на цивилите пристап до засолниште, безбедност и храна кога ќе се издадат наредби за евакуација.