Од МВР велат дека во пожарот нема повредени лица и дека навремено е изгаснат
Две лица се приведени поради сомнение дека предзвикале пожар кај месноста викана Блато на Тиквешкото Езеро, во атарот на кавадаречкото село Куманичево, информираат денеска од Министерството за внатрешни работи (МВР).
Оттаму велат дека случајот е пријавен вчера, а во пожарот нема повредени лица и истиот навремено е изгаснат.
„На 29.08.2025 година во 19 часот, полициски службеници од Одделението за внатрешни равоти (ОВР) Кавадарци ги лишиле од слобода З.К. (33) од Бегниште, кавадаречко и И.И. (19) од кавадарци поради сомнение декапредизвикале пожар на сува трева, трње и ниско стаблеста шума кај месноста викана Блато на Тиквешкото Езеро, во атарот на кавадаречкото село Куманичево“,
се вели во полицискиот билтен.
Увид на местото на пожарот извршила полициска екипа од ОВР Кавадарци, од каде работат на целосно расчистување на случајот.
Во акцијата за гаснење на овој пожар учествувале авиони од Дирекцијата за заштита и спасување (ДЗС), возила на интервентната пожарна бригада, како и на пожарникари од Кавадарци.
Од утрово, според информациите на Центарот за управување со кризи (ЦУК), во земјава имаше еден активен пожар, односно гореше во близина на Тиквешкото Езеро во Општина Кавадарци.