Според него, тој и покрај тоа што бил многу популарен, овие два медиуми објавувале речиси цело време лоши информации за него и известуваат неправедно за Републиканците
Претседателот на САД, Доналд Трамп повика да им се одземат лиценците на националните телевизиски мрежи Еј-Би-Си и Ен-Би-Си, обвинувајќи ги за „пристрасно и нечесно“ известување.
Според него, тој и покрај тоа што бил многу популарен, овие два медиуми објавувале речиси цело време лоши информации за него и известуваат неправедно за Републиканците.
Трамп оцени дека многумина сметаат оти Федералната комисија за комуникации (FCC) треба да им ги одземе лиценците.
„Јас би бил целосно за тоа, бидејќи тие се толку пристрасни и нечесни, вистинска закана за нашата демократија!!!“,
напиша Трамп на Трут Соушл.
Во него стил, тој предлага овие медиуми да плаќаат милиони долари годишно за „привилегијата да ги користат највредните фреквенции во секое време и насекаде!!!“
Доналд Трамп редовно ги обвинува Еј-Би-Си и Ен-Би-Си, како и Си-Би-Ес и Си-Ен-Ен дека се гласноговорници на Демократската партија и дека ја оцрнуваат неговата политика.