Според Ројтерс, европските лидери прво ќе одржат видеоконференција за да ги координираат своите ставови пред да разговараат со Трамп за претстојната средба со Путин
Американскиот претседател Доналд Трамп денеска ќе има онлајн состанок со својот украински колега Володимир Зеленски и со европските сојузници, пишува Ројтерс. Состанокот доаѓа пред средбата на Трамп со рускиот претседател Владимир Путин на Алјаска в петок.
Според Ројтерс, европските лидери прво ќе одржат видеоконференција за да ги координираат своите ставови пред да разговараат со Трамп за претстојната средба со Путин.
Портпаролот на германската влада вели дека Зеленски и претставниците на ЕУ и НАТО ќе се приклучат на онлајн состанок денес во 14 часот, на кој ќе учествуваат лидерите на Германија, Финска, Франција, Велика Британија, Италија и Полска.
Генералниот секретар на НАТО, исто така, ќе присуствува на конференцијата, организирана од германскиот канцелар Фридрих Мерц.
Дневниот ред вклучува стратегии за зголемување на притисокот врз Русија, редоследот на чекорите во евентуалниот мировен процес, иднината на териториите окупирани од Русија и безбедносните гаранции за Украина.
Според Ројтерс, потоа, во 15 часот по средноевропско време, европските лидери ќе одржат видеоконференција со претседателот Трамп и потпретседателот Венс.