Повеќе од 200 последователни потреси регистрирани во северозападна Турција по земјотресот од 6,1 степени

Од АФАД велат дека 10 од земјотресите биле со магнитуда од најмалку 4 степени

Повеќе од 200 последователни потреси биле регистрирани во северозападна Турција, по вчерашниот земјотрес со јачина од 6,1 степени.

Турската агенција за управување со катастрофи АФАД (AFAD) соопшти дека регистрирала 237 последователни потреси, од кои 10 биле со магнитуда од најмалку 4 степени.

„По земјотресот со јачина од 6,1 степени што се случи во Синдирги (Баликешир) на 10 август, во регионот беа регистрирани 237 последователни потреси, од кои 10 беа со јачина поголема од 4“,
пишува АФАД во објава на Икс.

➡️ 10 Ağustos’ta Sındırgı’da (Balıkesir) meydana gelen Mw 6.1 büyüklüğündeki depremden sonra bölgede 237 artçı deprem aktivitesi kaydedilmiş olup, bu depremlerden 10 tanesinin büyüklüğü 4.0’ ın üzerindedir.

➡️ Bölgedeki deprem aktivitesi AFAD Deprem Dairesi Başkanlığı… pic.twitter.com/AJE8zSjh2D
— AFAD Deprem (@DepremDairesi) August 11, 2025

Оттаму додаваат дека продолжуваат да ја следат сеизмичката активност во регионот.

Турските медиуми објавуваат дека многу жители на погодениот регион ја поминале ноќта надвор или во своите автомобили од страв од понатамошни земјотреси.

Епицентрите на земјотресот биле лоцирани во округот Синдирги во покраината Баликешир, каде што вчера во земјотресот загина најмалку едно лице, а 29 се повредени.

Министерот за внатрешни работи Али Јерликај рече дека во областа се урнале 16 згради.