Од земјотресот, според информациите што ги пренесува Јерликај, во областа се урнале 16 згради
Едно лице е загинато во земјотресот што вчера ја погоди северозападната турска провинција Баликешир, вели министерот за внатрешни работи Али Јерликај, пишува Ројтерс.
Станува збор за 81-годишен маж што од екипите за итни случаи бил спасен од урнатините, но потоа починал.
Јерликај вели дека во земјотресот повредени се 29 лица чија состојба не е сериозна и нема опасност по нивните животи.
Од земјотресот, според информациите што ги пренесува Јерликај, во областа се урнале 16 згради.
#BREAKING
— Nabila Jamal (@nabilajamal_) August 10, 2025
6.1 earthquake rattles Turkey.. buildings collapse in Balikesir
Earthquake struck Sindirgi in Balikesir province, followed by a 4.6 aftershock. Tremors felt in Istanbul, Izmir and several other cities
Multiple buildings have caved in, residents scrambling to pull… pic.twitter.com/r95U8sED4c
Земјотресот со јачина од 6,1 степени, за кој турскиот орган за управување со катастрофи АФАД (AFAD) соопшти дека се случил околу 19:53 часот, бил почувствуван во повеќе провинции вклучувајќи го и најголемиот град во земјата, Истанбул.
Јерликај вели дека операциите за пребарување и спасување сега се завршени и дека нема други знаци за сериозна штета или жртви. За денеска е закажан увид на штетите на зградите.
Од соседните области е испратено засилување, а надлежните ги предупредуваат граѓаните да не влегуваат во оштетените згради.
АФАД соопшти дека земјотресот се случил на длабочина од 11 километри.
Земјотресот бил проследен со три последователни потреси со магнитуда од 4,6, 4,1 и 4,0 и околу 15 со магнитуда над 3 степени.