Ова го соопштија од македонското друштво „Илинден“ – Тирана од каде што ја поздравија одлуката за отворање на конзулат во овој регион, нарекувајќи го чинот историски
Македонците во југоисточна Албанија барале да биде отворен Генерален конзулат во Корча уште во 2013 година за време на средбата во Подградец со тогашниот македонски претседател Ѓорге Иванов.
Ова денеска го соопштија од македонското друштво „Илинден“ – Тирана од каде што ја поздравија одлуката на Владата за отворање на конзулат во овој регион, нарекувајќи го чинот историски.
„Во мое и во име на македонско друштво ‘Илинден’ -Тирана и Македонците во Албанија упатувам честитки до Владата на Република Македонија која на предлог на Министерството за надворешни работи и надворешна трговија донесе одлука за отворање генерален конзулат во Корча, историски ден за Македонците во Албанија“,
се наведува во соопштението потпишано од претседателот на друштвото, Никола Ѓурѓај.
На предлог на Министерството за надворешни работи и надворешна трговија, Владата на вчерашната седница донесе одлука за отворање на Гелерален конзулат во Корча, Албанија кој ќе биде со јурисдикција во Корча, Мала Преспа, Поградец, Голо Брдо и Гора.