Тројца загинати, а околу 50 се повредени во железничка несреќа во Германија

Причината за несреќата сè уште не е официјално позната. Според првичните процени, можно е тоа да е лизгање на земјиштето покрај пругите

Три лица загинаа, а околу 50 се повредени во железничка несреќа што вчеравечер се случи во близина на градот Ридлиген во германската сојузна покраина Баден-Виртемберг.

Регионален патнички воз излета од шините во близина на градот Ридлинген, приближно 158 километри западно од Минхен. Причината за несреќата сè уште не е позната, а федералната и локалната полиција се на терен.

Меѓу загинатите е еден вработен во германските железници. Околу 25 лица од спасените се со сериозни повреди.

Несреќата се случила во 18:10 часот во шумска област. Фотографиите од местото на несреќата покажуваат дека вагоните се превртени, а спасувачите им помогнат на патниците.

За време на несреќата во возот имало околу 100 патници.

#Deutschland #zugunglueck #Biberach
Bei dem Zugunglück im Südosten Baden-Württembergs sind mehrere Menschen ums Leben gekommen.Zudem seien zahlreiche Menschen verletzt worden. Die Regionalbahn entgleiste bei #Riedlingen. Zuvor hatte es dort ein Unwetter gegeben. pic.twitter.com/Q6T9sGwyKK

— MB (@MB31357662) July 27, 2025

Причината за несреќата сè уште не е официјално позната. Според првичните проценки, можно е тоа да е лизгање на земјиштето покрај пругите.

Министерот за внатрешни работи на сојузната покраина Баден-Виртемберг, Томас Штробл, рече дека во областа имало обилни врнежи од дожд, па затоа не може да се исклучи можноста дека обилните дождови и лизгањето на земјиштето се причина за несреќата.