„Уставниот суд треба да даде свое гледиште, од гледна точка на самата процедура, односно како тој е склучен, земајќи го в предвид меѓународното јавно право, неговата содржина. Тоа што си го има дозволено да го потшише мојот претходник е катастрофални и може да има многу негативни и штетни последици. Тој нема никаква задолжителна правна примена и не произведува никакви правни последици за државата“, кажа шефот на македонската дипломатија
Иницијативата за оценување на уставноста и законитоста на Протоколот од вториот состанок на Заедничката меѓувладина комисија со Бугарија од 2022 година поднесена до Уставниот суд од поранешната пратеничка на ДОМ, Лилјана Поповска, ќе потврди дали уставните измени се единствената пречка за Бугарија за откочување на нашиот евроинтеграциски процес.
Ова денеска го кажа министерот за надвореешни работи и надворешна трговија, Тимчо Муцунски во гостување на ТВ канал 5, а коментирајќи го исходот од поднесената иницијатива до Уставниот суд за оцена на уставноста и законитоста на Протоколот од вториот состанок на Заедничката меѓувладина комисија со Бугарија од 17 јули 2022 година во Софија од страна на поранешната пратеничка и поранешна претседателка на Демократската обнова за Македонија (ДОМ), Лилјана Поповска.
„Бугарија во официјалните позиции до кои се држи, барем досега, вели дека единствен проблем се уставните измени. За жал, не верувам во тоа. Ја следам реториката и она што се прави на дело, вклучително и она што се случува во Европскиот парламент. И развојот на оваа состојба ќе биде потврда дали се само уставните измени проблем или има нешто многу повеќе од тоа. Овој протокол во неговата содржина излегува надвор од рамките на Договорот за добрососедство каде Бугарија е обврзана да не подджува на патот кон евроинтеграциите“,
вели Муцунски.
Посочи дека го следат развојот на настаните и размислуваат на повеќе сценарија, но дека приоритет останува на патот кон членство во Европската унија.
Протоколот со Бугарија, како што рече, е еден од најштетните документи во историјата на нашата надворешна политика и во овој момент ваков каков што е, нема никаква задолжителна правна примена.
„Уставниот суд треба да даде свое гледиште, од гледна точка на самата процедура, односно како тој е склучен, земајќи го в предвид меѓународното јавно право, неговата содржина. Тоа што си го има дозволено да го потшише мојот претходник е катастрофално и може да има многу негативни и штетни последици. Тој нема никаква задолжителна правна примена и не произведува никакви правни последици за државата“,
кажа министерот.
Сепак, повтори дека Уставниот суд треба да биде независен и да го даде своите гледиште.
Според него, нашите односи со Софија треба да бидат прогресивни, да гледаат кон иднината и да бидат насочени кон изнаоѓање решенија.
„Да очекуваме дека Софија конечно ќе излезе од реториката на 19. век. Не може земја членка на ЕУ постојано да се повикува на стандарди поврзани со човекови права, а истовремено да негира права поврзани со самоопределувањето, со нашето толкување на нашата национална историја, на нашиот јазик и на други елементи што се дел од нашите идентитетски обележја како народ“,
кажа тој.
Министерот рече дека се уште нема одговор од бугарска страна за предлогот на премиерот Христијан Мицкоски да се поднесе заедничка резолуција со Бугарија пред Европскиот Парламент со што ќе се гарантира македонскиот идентитет и јазик.
Со бугарскиот колега Георг Георгиеев нема остварено формална комуникација, но се надева дека по летните одмори ќе има можаност да се сретнат.
Според поранешната пратеничка Лилјана Поповска, која поднесе Иницијатива до Уставниот суд, Протколот со Бугарија ја нема поминато легалната процедура за негово договарање, усвојување од страна на Владата, потпишување, собраниска ратификација и објава во Службен весник.
Нејзина оценка е дека Протоколот не е правно валиден документ поради најмалку седум правни прекршувања.