Иран неодамна одржа двомесечни индиректни разговори со САД и тврди дека неговата нуклеарна програма е за мирни цели. Техеран бара ублажување на меѓународните санкции кои ја ослабнаа неговата економија
Иран и земјите од Е3, Германија, Франција и Обединетото Кралство, денеска треба да ги продолжат нуклеарните разговори во Истанбул, соопштија ирански претставници.
Се очекува средбата да се одржи на ниво на заменик-министри за надворешни работи во иранскиот конзулат.
Ова се првите разговори по прекинот на огнот по неодамнешната војна на Израел со Иран. Европските дипломати сакаат да го зголемат притисокот врз Техеран повторно да се вклучи во сериозни нуклеарни разговори.
„Времето истекува“,
рече еден дипломат, предупредувајќи дека доколку нема напредок, Е3 би можел да го активира механизмот за повторното воведување на санкции на ОН врз Иран.
Виенскиот договор од 2015 година, иако во голема мера неактивен, формално истекува во средината на октомври.
Клучните европски барања вклучуваат овозможување пристап до нуклеарните монитори на ОН и разјаснување на судбината на 400 килограми високо збогатен ураниум, кој недостасува по американскиот напад врз нуклеарните постројки на Иран.
Иран неодамна одржа двомесечни индиректни разговори со САД и тврди дека неговата нуклеарна програма е за мирни цели. Техеран бара ублажување на меѓународните санкции кои ја ослабнаа неговата економија.