Овие барања, како што соопшти УЈП, се поднесени од работодавачите и сомовработените лица заклучно со вториот ден од јуни
Вкупно 27 100 барања се поднесени за користење на мерките за финансиска поддршка за месец мај.
Овие барања, како што соопшти Управата за јавни приходи, се поднесени од работодавачите и сомовработените лица заклучно со вториот ден од јуни.
За мерката финансиска поддршка на физички лица кои вршат самостојна дејност образец БФС-СВД поднеле 4 733 самовработени лица од кои 4 064 барања се прифатени. За мерката финансиска поддршка за исплата на плата за мај 2020, образец БФП-ИП поднеле 20 127 компании од кои 16 610 барања се прифатени.
За мерката субвенционирање на исплатата на придонеси од задолжително осигурување образец БС-ПЗСО поднеле 2 240 компании од кои 1 909 барања се прифатени, наведуваат од Управата за јавни приходи. Од УЈП додаваат дека мерките се реални и повикуваат да се поднесат барање БФС-СВД или БС-ПЗСО до 5 јуни, односно барање БФП-ИП до 7 јуни.