Од Министерството наведуваат дека внимателно ја следат состојбата на дневна основа и ќе постапуваат согласно проценките и потребите
Престојување во затворени, разладени простории, особено во периодот од 11 до 17 часот, внесување доволно течности, избегнување алкохол и засладени пијалоци, носење лесна, светла облека и користење заштита за глава и очи, избегнување физичка активност во најтоплите часови од денот, посветување внимание на деца, стари лица, лица со хронични заболувања и бремени жени, да се одложат активности на отворено во најтоплиот дел од денот и да се обезбедат микроклиматски услови (разладени простории со температура до 25 Целзиусови степени) на работното место и во домот, а во случај на симптоми како вртоглавица, главоболка, гадење или забрзан пулс веднаш да се побара медицинска помош.
Ова се препораките за заштита на населението од високи температури, кои денеска ги соопшти Министерството за здравство согласно најновата прогноза од Управата за хидрометеоролошки работи за периодот од 20 до 24 јули кога се очекува значително зголемување на дневните температури, кои во одделни региони може да достигнат и до 41 степен.
Од Министерството наведуваат дека внимателно ја следат состојбата на дневна основа и ќе постапуваат согласно проценките и потребите.