Министерката за финансии од крајната десница Безалел Смотрич, изјави дека новиот буџет за одбрана целосно ги покрива интензивните борби во Газа, како и обемните безбедносни подготовки за сите закани, од југ, од север и од подалечни арени
Израел ќе ги зголеми трошоците за одбрана за 42 милијарди шекели (10,7 милијарди евра) во 2025 и 2026 година, објавија денеска министерствата за финансии и одбрана, објаснувајќи ја одлуката со безбедносните предизвици.
Министерката за финансии од крајната десница Безалел Смотрич, изјави дека новиот буџет за одбрана целосно ги покрива интензивните борби во Газа, како и обемните безбедносни подготовки за сите закани, од југ, од север и од подалечни арени.
Воените трошоци на Израел се зголемија откако започна воена офанзива врз Газа по смртоносниот напад на палестинските милитанти на 7 октомври 2023 година на израелска територија.
Оттогаш Израел војуваше со Хезболах во Либан, разменуваше воздушни напади со Иран 12 дена, а оваа недела ја нападна Сирија, наведувајќи ја потребата да се заштити малцинството Друзи на југот од земјата. Израелската воздушна одбрана работи речиси секојдневно во последните 21 месец за да пресретне ракети испукани од Хезболах, Иран и јеменските Хути.
Израел моментално троши 110 милијарди шекели, или околу 28 милијарди евра за одбрана, што е девет проценти од вкупниот БДП. Вкупниот буџет на земјата во 2025 година изнесуваше 756 милијарди шекели. Новите алокации го зголемуваат буџетот за одбрана за околу 38 проценти.
Министерот за одбрана Израел Кац рече дека зголемувањето на трошоците ќе ѝ овозможи на земјата да се подготви за низа сценарија бидејќи непријателите јавно ја објавуваат својата намера да ги уништат.
„Затоа ни е потребна целосна воена, технолошка и оперативна супериорност“,
заклучи тој.