Оштетени се 30 комерцијални објекти и повеќе од 300 станови во околните згради
Најмалку две лица загинаа во руски бомбашки напад врз источноукраинскиот град Добропиља, соопштија денеска украинските власти.
Во нападот со касетна бомба од 500 килограми врз прометниот центар на градот, исто така, повредени се 21 лице, објави воениот гувернер на регионот Донецк Вадим Филашкин на Телеграм.
„Русите повторно намерно нападнаа место каде што се собираат многу луѓе – трговски центар во срцето на градот“,
рече Филашкин.
Тој додаде дека се оштетени 30 комерцијални објекти и повеќе од 300 станови во околните згради.
„Се верува дека има и други жртви закопани под урнатините на зградите оштетени во нападот“,
рече Филашкин.
Во своето традиционално вечерно видео обраќање, украинскиот претседател Володимир Зеленски го опиша нападот како само ужасен, глупав руски терор.
„Во овие напади нема воена логика, само обид да се одземат што е можно повеќе животи“,
додаде тој.