Вицепремиерот информира дека Комисијата за заразни болести ја разгледува можноста за укинување на забраната за јавен превоз во Тетово
Комисијата за заразни болести сѐ уште проценува дали треба да укине забраната за јавниот превоз во Тетовскиот Регион, информира вицепремиерот за европски прашања и координатор на кризните штабови на општините, Бујар Османи, денеска од тетовско Теарце, пренесува МИА.
Според него, позитивна одлука е можна за неколку дена, а во таков случај луѓето мора да имаат лична заштита.
„Имаше барање од локалниот кризен штаб во Тетово за отворање на јавниот транспорт. Комисијата за заразни болести констатираше дека ѝ требаат уште неколку дена за да го види трендот во Тетово, па потоа да ја донесе одлуката. Ќе чекаме уште некој ден и ќе видиме кој е трендот и верувам дека Комисијата ќе донесе мерка за олеснување на на превозот“, .
рече Османи
Тој го потенцираше значењето од придржувањето до мерките за лична заштита.
„Нема посилна мерка од личната свест. Ниту еден политичар не треба да се спротивстави на одлуките на Комисијата за заразни болести. Тие се експерти, тие знаат што е најдобро за да се спречи болеста, но се разбира ќе се обидам да аргументирам дека во оваа втора фаза личната работа со луѓето и психолошката поддршка и охрабрувањето и борбата со лажни вести, давањето на точни информации е многу посилна од казни. Не може ниту еден полицаец да влезе во домовите и да проверува колку луѓе се собираат и дали ставаат маски и слично“,
рече Османи.
Тој потсети дека мерките се неопходни за сите бидејќи не е точно дека само стари луѓе умираат, туку дека тоа се случува и со деца и со млади.