Пресудата следи откако на последното рочиште од главната расправа во петокот завршни зборови дадоа обвинетите во случајот. Сите тие од почетокот на судскиот процес рекоа дека не се чувствуваат виновни за грабнувањата и убиствата
Основното јавно обвинителство побара максимална казна доживотен затвор за Палевски, Кешишев, Видевски и Манев, а за таткото на Вања, кој е обвинет за помагање, побара судот да му ја одреди соодветната затворска казна
По речиси осум месеци судење во Основниот кривичен суд Скопје денеска треба да биде објавена пресудата за грабнувањата и убиствата на Вања Ѓорчевска и Панче Жежовски.
Обвинетите Љупчо Палевски-Палчо, Велибор Манев, Боре Видевски, Влатко Кешишев и Александар Ѓорчевски ќе ја слушнат пресудата што треба да ја изрече судијата Ивица Стефановски за едно од најгрозоморните злосторства во поновота историја на земјава, а кои се случија кон крајот на 2023 година.
Првите четворица се обвинети дека како соизвршители го испланирале грабнувањето на 14-годишната Вања со цел да бараат откуп. Александар Ѓорчевски, таткото на девојчето, пак, е обвинет за помагање во извршување на кривично дело, со тоа што дал информации за дневната рутина и движењето на ќерка си.
Грабнувањето на велешанецот Панче Жежовски, според обвинението, било за да го му го земат возилото „ситроен“ кое го користеле за грабнувањето на детето во Скопје.
Пресудата следи откако на последното рочиште од главната расправа во петокот завршни зборови дадоа обвинетите во случајот.
Сите тие од почетокот на судскиот процес рекоа дека не се чувстуваат виновни за грабнувањата и убиствата.
Во завршните зборови, одбраната на обвинетите побараа ослободителна пресуда, додека, Основното јавно обвинителство побара максимална казна доживотен затвор за Палевски, Кешишев, Видевски и Манев, а за таткото на Вања побара судот да му ја одреди соодветната затворска казна.
Бранителот на Александар Ѓорчевски, адвокат Владимир Туфегџиќ, рече дека обвинението против Ѓорчевски е неосновано, неаргументирано, паушално и засновано на претпоставки за кои нема поткпрепа во доказите на Обвинителството.
Бранителот на обвинетиот Велибор Манев, адвокат Горан Бошевски, побара ослободителна пресуда за неговиот клиент за кривичното дело убиство, а осудителна за делото грабнување. Според Бошевски, не постоел договор за убиства и оттаму нема умисла за извршување таков вид кривични дела.
Ослободителна пресуда побара и бранителот на обвинетиот Боре Видевски, адвокатот Бојан Манев наведувајќи дека Обвинителството не ја докажало вината на неговиот клиент. Според него, правецот по кој што не учествувал, туку не знаел ниту пак имал намера жртвите да бидат убиени. Како што наведе, евентуална вина може да се бара само за грабнувањето на Вања.
Адвокатот Јовица Страшевски, кој е бранител на првообвинетиот Љупчо Палевски, кој според обвинението е директен извршител на убиствата, пред судот рече дека во текот на постапката не бил приложен ниту еден конкретен доказ кој ги поткрепува наводите во обвинителниот акт.
Тој на последното рочиште во петокот презентираше снимки и службени белешки кои, според него, ја поткопуваат верзијата на ОЈО за настаните.
Претходно во завршните зборови Обвинителството побара максимална казна за четворицата обвинети Љупчо Палевски-Палчо, Влатко Кешишев, Боре Видевски и Велибор Манев, додека, за таткото на Вања, обвинетиот Александар Ѓорчевски побара судот да му ја одреди соодветната затворска казна. Според нив, нема олеснителни околности, а нивните постапки дополнително ја трауматизираат јавноста. Како што наведоа обвинителките, Александар Ѓорчевски, таткото на Вања, не сакал да ѝ наштети, но учествувал во грабнувањето, Велибор Манев призна учество во двете убиства, Боре Видевски првично призна вина, но подоцна негираше, Влатко Кешишев се обиде да се прикаже како послушник, но доказите покажуваат активна улога, а Љупчо Палевски се смета за организатор кој креирал алиби и уништувал докази.
По завршните зборови на Основното јавно обвинителство, правните застапници на оштетените семејства пред судот изјавија дека во целост го прифаќаат барањето на Обвинителството, односно се приклучуваат кон кривичното гонење и бараат имотно правно побарување.
Завршни зборови на судењето за убиството на малолетната Вања и велешанецот Панче Жежовски дадоа и обвинетите. Првообвинетиот Палевски во петокот прват ги посочи Велибор Манев како организатор, Боре Видевски како извршител, а Влатко Кешишов како стражар во грабнувањата и убиствата.
На рочиштето, Манев во завршниот збор се осврна и на темата со синиот ранец, откривајќи дека оружјето и моторилите што биле користени во убиствата и ставени во него ги зел член на партијата Десна и вработен во Народната банка, по нало на Палевски. Лицето уште истиот ден беше уапсено и во тек е истрага во врска со наводите што ги изнесе Манев.
Видевски во завршните зборови кусо изјави дека нема што да додаде на излагањето на неговиот бранител, кој претходно побара ослободителна пресуда тврдејќи дека признанијата се изнудени, а истрагата водена во погрешен правец.
Кешишев, пак, како и Манев изрази каење, велејќи дека имал грижа на совест што бил дел од групата, но дека не учествувал во планирањето и извршувањето на убиствата.
Малолетната Вања и велешанецот Панче беа пријавени за исчезнати на 27 и 24 ноември, а на 3 декември 2023 година беа пронајдени мртви во близина на Скопје и Велес.