Како што потврди Иранската револуционерна гарда во нападот е убиен и заменикот на Мохамaд Касами, генералот Хасан Мохакек, како и и уште еден висок службеник на иранското разузнавање
Израелските воздухопловни сили вечерва објавија дека ја завршиле серијата напади од големи размери насочени кон погони за производство на оружје во Иран, пренесуваат светските медиуми.
По бранот напади извршени претходно денеска врз инфраструктурата на силите Кудс, Исламската револуционерна гарда (ИРГЦ) и иранските вооружени сили во Техеран, цел на нападите на израелските сили биле и бројни погони за производство на оружје на целата територија на Иран. Меѓу целите биле фабрики за производство на системи за навигација, системи за воздушна одбрана, мотори за балистички ракети, ракетно гориво и ракети земја-земја.
The Israeli Air Force has announced the completion of a wide-scale series of strikes today targeting weapons manufacturing and production sites in Iran. Following a wave of strikes carried out earlier today on infrastructure belonging to the Quds Force, the IRGC, and the Iranian… pic.twitter.com/LLTfIrtgJB
— OSINTdefender (@sentdefender) June 15, 2025
Во израелските напади на седиштето на иранското разузнавање во Техеран, извршени претходно денеска, убиени се шефот на разузнавачката служба на Исламската револуционерна гарда (ИРГЦ) бригадниот генерал Мохамaд Каземи и неговиот заменик, генералот Хасан Мохакек.
Ликвидацијата на двајцата високи воени функционери, како што пренесоа медиумите, ја потврдиле од Исламската револуционерна гарда. Оттаму, исто така, објавиле и дека уште еден висок разузнавачки службеник на Иран, Мохсен Багери е убиен во израелски напад. Израелските сили од почетокот на нападите врз Иран ликвидираа повеќемина припадници на иранската воена и научна елита.
Iran’s Islamic Revolutionary Guard Corps (IRGC) has now confirmed the death of both Brigadier General Mohammad Kazemi, Chief of IRGC Intelligence, and his deputy, General Hassan Mohaqqeq, in an Israeli airstrike earlier today on the Intelligence Headquarters in Tehran. They also… pic.twitter.com/aofgs2q6eJ
— OSINTdefender (@sentdefender) June 15, 2025
Во меѓувреме иранската државна новинска агенција Таснин објави дека иранското Министерство за надворешни работи во Техеран, исто така, било цел на напад.
Агенцијата го цитира иранскиот дипломат Саид Хатибзадех, кој соопшти дека голем број вработени во Министерството се ранети.
„Неколку цивили беа повредени во нападот, вклучувајќи неколку мои колеги кои се префрлени во болница на лекување“, напиша Хатибзадех на платформата Икс.
The criminal regime of Israel launched a deliberate and ruthless strike on one of the buildings of Iran’s Ministry of Foreign Affairs, located directly across from the Institute for Political and International Studies.
— Saeed Khatibzadeh | سعید خطیبزاده (@SKhatibzadeh) June 15, 2025
Several civilians were injured in the attack, including a… pic.twitter.com/DLxlmvuvZe
Израелскиот премиер Бенјамин Нетанјаху во интервју за американската телевизија Фокс њуз изјави дека израелските напади на Иран можат да доведат до промена на режимот во Техеран, додавајќи дека Израел ќе стори сè што е потребно за да ја отстрани „егзистенцијалната закана“ што ја претставува Иран.
Израелската војска претходно изјави дека актуелната цел на кампањата врз Иран не е промена на режимот, туку уништување на нуклеарните и балистичките ракетни програми на Иран.
Сепак во интервјуто за Фокс њуз“, Нетанјаху одговарајќи на новинарско прашање дали промената на иранскиот режим е дел од воената цел на Израел, рече дека тоа „сигурно би можело да биде резултат бидејќи режимот во Иран е многу слаб“.
Интензивирањето на конфликтот меѓу Израел и Иран и стравувањата од дополнителна ескалација на ситуацијата на Блискиот Исток предизвикаат загриженост меѓу светските сили.
Така, високата преставничка за надворешна политика и безбедност на Европската Унија, Каја Калас за вторник закажа состанок на министрите за надворешни работи на Европската Унија на кој ќе се разговара за конфликтот меѓу Израел и Иран.
„Со оглед на сериозноста на ситуацијата на Блискиот Исток, високата претставничка на ЕУ, Каја Калас, свика состанок на министрите за надворешни работи на ЕУ кој ќе се одржи преку видео врска во вторник. Средбата ќе биде можност за размена на мислења, координациј на дипломатските контакти со Тел Авив и Техеран и можни следни чекори“,
изјави портпаролот на ЕУ.