Лицата биле лишени од слобода за време на вчерашниот ракометен натпревар помеѓу екипите на „Вардар 1961“ од Скопје и „Пелистер“ од Битола во спортскиот центар „Јане Сандански“
Двајца битолчани вчера биле лишени од слобода откако полицијата кај нив за време на спортски натпревар пронашла пиротехнички средства.
Како што се наведува во полицискиот извештај, лицата биле лишени од слобода за време на вчерашниот ракометен натпревар во спортскиот центар „Јане Сандански“ во Скопје.
Битолчаните П. Д. (26) и Д. А. (23) биле на натпреварот помеѓу екипите на „Вардар 1961“ од Скопје и „Пелистер“ од Битола кога полицијата им ги пронашла и одзела пиротехничките средства.
Од полицијата велат дека против двајцата се поднесени поднесоци по Законот за спречување насилство и недостојно однесување на спортски натпревари.