Тој бил уапсен откако 38-годишната жена го пријавила случајот во полициската станица во Гостивар и на фејсбук-страната на МВР
Основниот суд во Гостивар денеска му одредил мерка притвор на жител на градот, кој со метален предмет ја нападнал и ја силувал неговата вонбрачна сопруга, соопшти Министерството за внатрешни работи (МВР).
„Основниот суд Гостивар денеска му одреди мерка притвор на А.С.(53) од Гостивар затоа што на 29.05.2025 околу 02 часот во нејзиниот стан во Гостивар со метален предмет ја нападнал и извршил полов напад врз неговата вонбрачна сопруга. 38-годишната жена го пријавила случајот во полициска станица во Гостивар и на Фејсбук страната на МВР, по што околу 19:45 часот полициски службеници од ОВР Гостивар го лишиле од слобода А.С.“,
се вели во соопштението.
Како што наведуваат од МВР, лицето било задржано во полициска станица и против него е поднесена кривична пријава, по што му е одредена мерка притвор.