Се очекува Мицкоски утре да има обраќање на конференцијата
Унгарскиот премиер Виктор Орбан на отворањето на конзервативната конференција ЦПАЦ (The Conservative Political Action Conference – CPAC) во Будимпешта го поздрави премиерот Христијан Мицкоски нарекувајќи го херој и чувар на тврдината, информира ВМРО-ДПМНЕ на Фејсбук, споделувајќи видео од говорот на Орбан.
„Нашиот македонски херој Христијан Мицкоски победи на изборите, иако цел Брисел го поддржуваше неговиот противник. Тој е чуварот на тврдината која ја штити европската јужна граница од миграцијата. Да живее Македонија!“,
изјави премиерот Орбан на отворањето на големата конференција на европски и американски конзервативци во унгарската престолнина.
Пред обраќањето на Орбан била емитувана ексклузивна видеопорака од претседателот Доналд Трамп.
Меѓу другите гости на конференцијата се словачкиот премиер Роберт Фицо, грузискиот премиер Иракли Кобахидѕе, Андреј Бабиш од Чешка, Јержи Квашњевски и Матеуш Моравиецки од Полска, Херберт Кикл од Австрија, Алис Вајдел од Германија, Хорхе Буксаде од Шпанија, како и американските десничарски ѕвезди Бен Шапиро, Џек Пособиец и Дејвид Рубин.
Се очекува Мицкоски утре да има обраќање на конференцијата.
ЦПАЦ се смета за најголемиот и највлијателен собир на конзерватици во светот.