Државната изборна комисија (ДИК) на денешната седница констатира дека Ваљбона Адили-Емини, која беше следна на кандидатската листа за пратеници на ВЛЕН по Сулејмани, го прифаќа пратеничкиот мандат
Собранието денеска ја констатира оставката на пратеникот Салим Сулејмани од Алијанса за Албанците (АА), кој одлучи да ја напушти пратеничката и партиската функција откако Арбен Таравари од власт премина во опозиција.
На почетокот на собраниската седница потпретседателката Весна Бендевска информира дека Сулејмани не го известил Собранието дека сака да ја образложи оставката, по што истата беше констатирана.
„Бидејќи пратеникот е избран од листа на кандидати потребно е ДИК да го извести Собранието за кандидатот од оваа листа на кој треба да му се верифицира мандат за пратеник согласно член 153 од Изборниот законик“,
додаде Бендевска.
Во меѓувреме, Државната изборна комисија (ДИК) на денешната седница констатира дека Ваљбона Адили-Емини, која беше следна на листата за пратеници на ВЛЕН по Сулејмани, го прифаќа пратеничкиот мандат.
На Адили-Емини ќе ѝ биде издадено писмено уверение, а ДИК ќе го извести Собранието да го верификува мандатот на новата пратеничка.