Во југозападните делови во земјава попладнево почувствувале земјотрес со интензитет од III степени според Европската макросеизмичка скала.
Епицентарот на земјотресот е на 165 километри југозападно од Скопје односно во подрачјето на Корча, Албанија. Тој бил со јачина од 3,5 степени по Рихтер.
Како што соопшти Сеизмолошка опсерваторија при Природно-математичкиот факултет во Скопје, земјотресот е регистриран денеска во 17 часот и 35 минути.