Тој повтори дека ако дипломатските напори не успеат, подготвен е да прибегне кон економски притисок врз Русија
Американскиот претседател Доналд Трамп во интервју за Фокс њуз изјави дека рускиот претседател Владимир Путин бара договор.
Одговарајќи на директно прашање од водителот дали го смета Путин за главна пречка за мир, Трамп го префрли фокусот на украинскиот претседател Володимир Зеленски.
„Слушајте, имав навистина тежок состанок со Зеленски затоа што не ми се допадна она што го кажа и не ми ги олесни работите. И секогаш велев дека нема карти. И нема“,
нагласи Трамп.
Trump says Putin is tired of the war because it has made him look bad to the world and he wants to look good to the world, and he would have conquered all of Ukraine in the first 5 hours of the invasion but his tanks got stuck in the mud. pic.twitter.com/Ocxl5DnbBf
— Ron Filipkowski (@RonFilipkowski) May 17, 2025
Водителот потоа го потсети Трамп дека објавил апел до Путин на неговата мрежа Трут соушл – „Владимир СТОП“. Сепак, Трамп рече дека Путин сака разговори и е уморен од војната.
„Не изгледа добро. И тој сака да изгледа добро. Не заборавајте, ова требаше да заврши за една недела. И да не се заглавеше во калта со своите тенкови, ќе беше во Киев за околу пет часа“,
рече тој.
Трамп повтори дека само тој лично може да ја заврши војната.
„Секогаш чувствував дека не може да има состанок без мене бидејќи тоа нема да доведе до договор. Има многу омраза од двете страни. Имам многу добри односи со Путин; мислам дека ќе постигнеме договор“,
рече Трамп.
Тој повтори дека ако дипломатските напори не успеат, подготвен е да прибегне кон економски притисок врз Русија.