На новинарско прашање дали Австрија како силен поддржувач на македонските интеграции ќе помогне да се тргне билатерализицијата од целиот процес, како што бара актуелната влада во Скопје, Мајнл-Рајсингер рече дека компромисот што бил постигнат во 2022 година мора да се реализира, и покрај различните мислења дали станува збор за среќно или несреќно решение
Мојата денешната порака до сите граѓани од Северна Македонија е дека навистина сме сериозни во поддршката на земјата кон Европската Унија. Вие сте делот од кој Европа не може да се откаже. Навистина сме сериозни кога велиме дека не сме комплетни без вас, рече шефицата на австриската дипломатија, Беате Мајнл-Рајсингер на заедничката прес-конференција со својот домаќин, министерот за надворешни работи и надворешна трговија, Тимчо Муцунски.
Таа посочи дека проширувањето на Европската Унија не треба да се сведе само на технички процес и дека граѓаните на земјава навистина треба да почувстуваат дека Унијата е навистина сериозна во врска со патот на земјава кон полноправно членство.
Сепка, како што кажа таа, и покрај многуте изодени чекори, земјава треба да направи уште неколку неколку работи.
„Секако дека Северна Македонија треба да изоди уште неколку чекори. Знам дека досега изодевте долг пат, меѓутоа мора уште некои работи да се направат. Истовремено сакам да кажам дека Европската Унија треба да има интерес да го поддржи и да го забрза овој процес, да биде искрена и да не става дополнителни камења на сопнување. Долг пат е ова, но ова е искрена цел за заедничка европска иднина и ние ќе сториме сè за да ве поддржиме и да не ви ставаме некои други сопки“,
изјави таа.
Мајнл-Рајсингер рече дека со својот домаќин и колега Муцунски разговарале дека целиот Западен Балкан е место на променета геополитичка состојба и оти треба да се биде свесен дека ние С Македонија како држава е важен партнер за да се одговори на таа геополитичка состојба.
„Затоа треба да се навратиме на нашите заеднички сили за да го зајакнеме овој регион. Отсекогаш сум била убедена дека сите тешкотии и предизвици можеме да ги решиме само заеднички. Ако имаме заеднички пристрап ќе говориме со еден глас и тогаш ќе бидеме успешни“,
кажа шефицата на австриската дипломатија.
На новинарско прашање дали Австрија како силен поддржувач на македонските интеграции ќе помогне да се тргне билатерализицијата од целиот процес, како што бара актуелната влада во Скопје, Мајнел-Рајсингер рече дека компромисот што бил постигнат во 2022 година мора да се реализира, и покрај различните мислења дали станува збор за среќно или несреќно решение.
„Тој компромис беше даден тогаш и тоа мора да се реализира. Да, ние разговаравме за тоа, треба да се направат и уште некои реформи од страна на Македонија, меѓутоа мојата порака е дека ние гледаме колку е направено од ваша страна и колку веќе чекори сте направиле и дека сега ние сме должни билатералните теми да останат билатерални, а не да се поставуваат како камења на сопнување“,
рече таа.
Во своето обраќање на прес-конференцијата, Мајнл-Рајсингер рече оти е горда што Австрија е најголем инвеститор во Македонија и во регионот.
„Секако имав можност да се сретнам со претставници од австриски претпријатија, но исто така и од граѓанскиот сектор, така што нашите билатерални односи се толку добри што дури и преставниците на австриските претпријатија и на културните институции ми соопштија колку интензивни се овие односи, а веруваат и дека има простор за натамошно подобрување“,
рече таа.
Шефицата на австриската дипломатија уште еднаш изрази сочувство за трагедијата во Кочани и рече оти е задоволна што нејзината земја згрижила дел од повредните.