Пријавено е и дека на гробни места од Градските гробишта Бутел се одземени две бронзени бисти
Во Градскиот парк, кај бараките на Град Скопје, е украден споменикот на Крсте Петков Мисирков, додека спомен-бистата на Кочо Рацин била оштетена, информираат од Министерството за внатрешни работи (МВР).
До полицијата имало пријава дека од дворот на училиштето била одземена спомен биста на Ѓорѓија Пулевски, но и дека биле украдени две бронзени бисти од Градските гробишта „Бутел“.
„На 12.5.2025 во 9.30 часот во СВР Скопје, од ЈП ‘Паркови и зеленило‘ било пријавено дека во Градски парк, кај бараките на Град Скопје, бил одземен споменикот на Крсте Петков Мисирков, а спомен-бистата на Кочо Рацин била оштетена“
се вели во полицискиот билтен.
Истиот ден е пријавено дека од дворот на Основното училиште „Ѓорѓија Пулевски“ во Општина Аеродром е одземена и спомен-биста на Ѓорѓија Пулевски.
Од МВР информираат дека се преземаат мерки за расчистување на случаите.