Полициските службеници на 20 април 2025 година со намера да го спрелат и отешнат докажувањето на случајот, прикривале и фалсификувале документи што можеле да послужат како доказ во судска постапка
Кривична пријава добија двајцата полицајци што преку фалсификат се обидоа да го прикријат сообраќајаниот прекршок на братот на градоначалникот на Општина Гази Баба, Борче Стефковски, информираат денеска од Министерството за внатрешни работи (МВР).
„Одделот за внатрешна контрола, криминалистички истраги и професионални стандарди при МВР поднесе кривична пријава против Д.К. на работното место помлад полицаец и Б.Д. на работното место полицаец за безбедност на патниот сообраќај во Единицата за безбедност на патниот сообраќај при СВР Скопје“,
се вели во соопштението од МВР.
Полициските службеници на 20 април 2025 година со намера да го спрелат и отешнат докажувањето на случајот, прикривале и фалсификувале документи што можеле да послужат како доказ во судска постапка.
„Првопријавениот полицаец издал прекршочен платен налог и записник за сторен сообраќаен прекршок на име на лице од Скопје, а потоа да го прикрие сторениот прекршок, ги преправил и факсификувал документите за сторен сообраќаен прекршок. Така, на вториот примерот врз податоците нанесени со индиго од првиот примерок со пенкало ги внел податоците од друго лице од Скопје, иако дента не било запрено за сторен прекрок, туку од претгодно им било познато како чест извршител на сообраќајни прекршоци“,
информираат од МВР.
Второпријавениот полицаец, како што наведуваат од МВР, како одговорен за патролата, му помогнал на првопријавениот да го изврши кривичното дело.
„Во пополнувањето на прегледот на контролирани моторни возила и на извештајот од 20 април годинава за радар ги внеле податоците на сторителот на прекршокот, а потоа откако првопријавениот ги фалсификувал и ги преправил документите, ги внеле податоците на другото лице“,
велат од полицијата.
Вака преправениот преглед на контролирани моторни возила и извештај од 20 април годинава за радар ги приложиле во Одделението за безбедност на патниот сообраќај Скопје.
Против двајцата полицајци ќе биде поведена дисциплинска постапка и ќе бидат отстранети од работното место.
Случајот во понеделникот го објави опозицискиот Социјалдемократски сојуз (СДСМ), од каде приложија и видеоснимка од полициски радар, на која, како што рече портпаролката Богданка Кузеска, се гледа како братот на градоначалникот на Општина Гази Баба, Борче Стефковски, вози со преголема брзина, а притоа полицијата, иако го регистрирала и го сопрела, сепак, не го казнила.
Настанот, како што наведе таа, се случил на 20 април годинава во 18:31 часот на булеварот „Александар Македонски“ во Скопје, каде што полицијата со радар регистрирала возило кое се движи со брзина далеку од дозволената за тој потег.
Според информациите до кои дошла партијата, за само една минута откако е застанато возилото, началник на МВР, кој според нивните информации не ни бил во земјава, им се јавил на полицајците и им дал наредба братот на градоначалникот да не биде казнет.
Бидејќи прекршокот веќе бил евидентиран, наредено им е казната да ја запишат на друго лице.
Министерот за внатрешни работи Панче Тошковски најави кривична одговорност за полициските службеници.
Според него, фактичката состојба што била утврдена од МВР во случајов е многу пострашна од она што било објавено од СДСМ.