Државната служба за вонредни состојби информира дека од нападите биле уништени станбени згради и оти спасувачките тимови со кучиња трагачи ги проверуваат урнатините во потрага по преживеани
Најмалку девет лица се загинати, а повеќе од 60 се ранети во ракетен напад врз Киев, информира украинската државна служба за вонредни состојби.
Според првичните информации, како што пренесува „Гардијан“, 42 лица од повредените се хоспитализирани, меѓу кои и шест деца.
Украинската воздушна одбрана дејствувала рано утринава во главниот град на Украина, Киев, против комбиниран руски напад со беспилотни летала и ракети.
‼️росія завдала масованого комбінованого удару по Києву
— DSNS.GOV.UA (@SESU_UA) April 24, 2025
За попередніми даними, загинули 9 людей, 63 постраждалих, 42 госпіталізували до лікарні, серед них 6 дітей.
Сталися руйнування в житлових будинках: тривають пошуки людей під завалами. Працюють психологи та кінологи ДСНС. pic.twitter.com/CIA11Ycm7D
Државната служба за вонредни состојби информира дека од нападите биле уништени станбени згради и оти спасувачките тимови со кучиња трагачи ги проверуваат урнатините во потрага по преживеани.
„Во тек е комбиниран напад. Опасноста останува висока“,
напиша на Телеграм, Тимур Ткаченко, шеф на градската воена управа на Киев.
Градоначалникот на Киев, Виталиј Кличко, рече дека беспилотни летала летаат над централните области, наредувајќи им на тимови од лекари итно да се упатат во различни делови на градот.
Ткаченко нагласи и дека пет лица се повредени во градската област Свјатошински, додека Кличко вели дека жителите на една зграда останале под урнатините.
“Peace-loving” Russians just attacked the capital of Ukraine with Shahed drones.
— Natalka (@NatalkaKyiv) April 23, 2025
A fire broke out in a residential building in the Svyatoshynskyi district. People are trapped under the rubble. Rescuers and medics are working at the scene.
There are also fires in… pic.twitter.com/voAxj1EhSe
Пожари и паѓање метални остатоци од проектили се забележани и во други делови на Киев.
„Вториот по големина град во Украина, Харков, исто така рано утринава беше изложен на силен ракетен напад“,
напиша на Телеграм тамошниот градоначалник Игор Терехов.
Тој рече дека се слушнале неколку експлозии во градот, кој е честа цел на руски напади.
Терехов вели дека Харков бил погоден со седум проектили.
„Еден од најновите напади погоди густо населена станбена зона. Две лица беа повредени таму. Во тек е проверка на местата кои беа нападнати“,
рече Терехов, повикувајќи ги жителите на градот да бидат внимателни.
Андриј Јермак, главен помошник на украинскиот претседател Володимир Зеленски, вели дека Русија ги напаѓа Киев, Харков и други градови со проектили и беспилотни летала.
„Путин покажува само желба да убива. Нападите врз цивилите мора да престанат“,
вели тој.
Во понеделникот, по завршувањето на еднодневниот прекин на огнот за Велигден што го прогласи рускиот претседател Владимир Путин, Украина издаде предупредување за воздушен напад врз главниот град Киев, како и за источните делови од земјата.