Објавата на Фокс њуз траела околу 20 минути, по што била поправена во „Киев, град во Украина“. Сепак, украинските власти ја нагласија сериозноста на грешката, со порака дека ваквите инциденти не се прифатливи и дека е неопходно јавно извинување
Украина побара извинување од американската телевизија Фокс њуз бидејќи за време на известувањата од велигденските богослужби објави дека Киев е град во Русија.
Фок њуз емитуваше снимки од велигденските богослужби што се одржуваат низ целиот свет, вклучително и од тие во Киев и во Москва.
Објавата дека Киев е град во Русија се случи за време на вечерното емитување на говорот на рускиот патријарх Кирил.
Објавата на Фокс њуз траела околу 20 минути, по што била поправена во „Киев, град во Украина“.
🤡 Meanwhile, Fox News claims that Kyiv is Russia and broadcasts “Patriarch Kirill”. pic.twitter.com/vNjrp18DFN
— Saint Javelin (@saintjavelin) April 20, 2025
Телевизијата и го реемитуваше извештајот правилно означувајќи го Киев како укрански град.
Сепак, украинските власти ја нагласија сериозноста на грешката, со порака дека ваквите инциденти не се прифатливи и дека е неопходно јавно извинување.
Така, портпаролот на украинското Министерство за надворешни работи, Георгиј Тихи, на Икс напиша дека ако објавата е грешка, а не намерна политичка изјава, треба да има извинување, но и истрага за тоа кој ја направил.
If this was a mistake rather than a deliberate political statement, there should be an apology and an investigation into who made the mistake. @FoxNews https://t.co/HOxV8b2hVK
— Heorhii Tykhyi (@SpoxUkraineMFA) April 20, 2025
Инаку, Фокс њуз, чие седиште е во Њујорк, се смета за омилена телевизиска куќа на американскиот претседател Доналд Трамп.