„Знам дека некои ја доведоа во прашање поддршката на НАТО во последните неколку месеци. Но, да нема сомнеж. Нашата поддршка е непоколеблива“, рече Руте по средбата со украинскиот претседател
Украинскиот претседател, како што пренесе агенцијата АФП, со Руте разговарал и за „акутната“ потреба на земјата од системи за противвоздушна одбрана и ракети
Генералниот секретар на НАТО, Марк Руте, денеска пристигна во ненајавена посета на Одеса на средба со украинскиот претседател Володимир Зеленски, јавија светските медиуми.
Посетата на Руте на Украина доаѓа по рускиот напад на градот Суми во кој 35 луѓе загинаа, од кои голем број цивили, а речиси 200 се повредени. Нападот наиде на жестока осуда од западните сојузници на Украина. Од друга страна, реакцијата на американскиот претседател Доналд Трамп, чија админстрација започна преговори со двете страни за ставање крај на војната, повеќе беше насочена кон украинскиот претседател, кого го критикуваше дека започнал војна со многу поголема и воено помоќна држава.
За ненајавената посета на Одеса и средбата со Зеленски, генералниот секретар на НАТО првично информира преку објава на социјалните мрежи. Во неа тој наведе дека го уверил Зеленски оти поддршката на Алијансата останува непоколеблива и дека НАТО ќе продолжи да ѝ помага на Украина да се брани и да одвати идна агресија.
„Денеска ја посетив Одеса заедно со Зеленски. Народот на Украина издржа толку многу, не само нападот на Русија на Цветници на Суми. Поддршката на НАТО е непоколеблива. Ќе продолжиме да ѝ помагаме на Украина за да може да се брани денес и да ја одврати идната агресија, обезбедувајќи праведен и траен мир“,
вели генералниот секретар на НАТО во објавата на платформата Икс.
Today I visited Odesa along with @ZelenskyyUa
— Mark Rutte (@SecGenNATO) April 15, 2025
Ukraine’s people have endured so much – not least Russia’s Palm Sunday attack on Sumy. NATO support is unwavering. We will continue to help Ukraine so it can defend today and deter future aggression, ensuring a just and lasting peace pic.twitter.com/FQb4p66Iad
Кратко по оваа објава на Руте, НАТО излезе и со заедничко соопштение од средбата помеѓу Руте и Зеленски во која се вели дека „луѓето во Украина заслужуваат вистински мир и вистинска безбедност во нивната земја“.
Руте наведува и дека ја искористил својата посета на Одеса да пренесе едноствна порака, тоа дека: „НАТО стои со Украина“.
„Исто така, знам дека некои ја доведоа во прашање поддршката на НАТО во последните неколку месеци. Но, да нема сомнеж. Нашата поддршка е непоколеблива“,
вели генсекот на НАТО.
Тој рече дека тема на средбата со Зеленски биле и, како што наведува, важните разговори што претседателот Трамп ги води со Украина, како и со Русија во обид да стави крај на војната и да обезбеди траен мир.
Сепак, тој додал дека овие дискусии не се лесни, не само поради ужасното насилство, но посочил дека „сите ние го поддржуваме притисокот на претседателот Трамп за мир“.
„Затоа, дозволете ми повторно да му кажам на народот на Украина: стоиме со вас. И со нетрпение го очекуваме денот кога храбрите мажи и жени од оваа неверојатна земја ќе можат да уживаат во слободата без страв“,
вели Руте.
Говорејќи во Одеса, тој силно го осуди рускиот напад врз Суми нарекувајќи го „едноставно срамен“ и „дел од ужасната шема на Русија да напаѓа цивилни цели и инфраструктура“, пренесе „Гардијан“.
Украинскиот претседател, Володирми Зеленски Украинецот Володимир Зеленски во објава на социјалните мрежи во врска со средбата со Руте соопшти дека двајцата ја посетиле болницата каде се опоруваат ранетите украински бранители и разговарале со некои од нив.
Today, @SecGenNATO Mark Rutte is in Ukraine. We discussed the security of Ukraine, our entire Europe, and the Euro-Atlantic region, as well as relations with all our partners in Europe and America.
— Volodymyr Zelenskyy / Володимир Зеленський (@ZelenskyyUa) April 15, 2025
The main focus was on strengthening Ukraine’s air defense. Absolutely everyone… pic.twitter.com/FWOBRCouci
„Благодарен сум на нашите момци за нивната сила, издржливост и за заштитата на нашиот народ“,
рече Зеленски.
Украинскиот претседател, како што пренесе агенцијата АФП, со Руте разговарал и за „акутната“ потреба на земјата од системи за противвоздушна одбрана и ракети.
Зеленски, според АФП, исто така говорел и за важноста на групата предводена од Велика Британија и Франција за нивната подготвеност за брза помош на Украина.