Претседателот Трамп ги обвини водечките универзитети во Соединетите Американски Држави (САД) дека не успеале да ги заштитат еврејските студенти кога колеџите низ целата земја кои беа цел на напади од протестите против војната во Газа и американската поддршка за Израел минатата година
Администрацијата на американскиот претседател Доналд Трамп соопшти дека замрзнува повеќе од 2 милијарди долари федерални средства наменети за финансирање на универзитетот „Харвард“, неколку часа откако елитниот колеџ ја отфрли листата на барања од Белата куќа за промени во работата, пренесува Би-би-си.
Белата куќа минатата недела испрати список со барања до „Харвард“, за кои рече дека се направени за борба против антисемитизмот на кампусот. Тие вклучуваат промени во неговото управување, практики за вработување и процедури за прием на Универзитетот.
Раководството на Универзитетот ги отфрли барањата на Белата куќа посочувајќи дека тоа е обид да се контролира неговата заедница.
Ова е првиот голем американски универзитет што се спротивстави на барањата на администрацијата на Трамп за да ја промени својата политика.
Трамп ги обвини водечките универзитети во Соединетите Американски Држави (САД) дека не успеале да ги заштитат еврејските студенти кога колеџите низ целата земја кои беа цел на напади од протестите против војната во Газа и американската поддршка за Израел минатата година.
Раководството на Универзитетот вели дека нема да ја предаде својата независност или да се откаже од своите уставни права.
„Иако некои од барањата наведени од владата се насочени кон борба против антисемитизмот, мнозинството претставува директно владино регулирање на ‘интелектуалните услови‘“,
велат од „Харвард“.
Во март администрацијата на Трамп соопшти дека разгледува околу 256 милиони американски долари федерални договори и грантови на Харвард и дополнителни 8,7 милијарди долари повеќегодишни обврски за грантови.
По овие одлуки, професорите од „Харвард“ поднесоа тужба тврдејќи дека нападот врз слободата на говорот и академската автономија е незаконски.
Претходно, Белата куќа повлече 400 милиони долари федерално финансирање од Универзитетот „Колумбија“ и го обвини дека не се бори против антисемитизмот и дека не ги штити еврејските студенти во својот кампус.