И следните денови, според УХМР, се очекува променливо и врнежливо време со услови за повремени грмежи
Претпладне времето ќе биде врнежливо, а попладне облачноста ќе се намалува, информираат за денешната временска прогноза од Управата за хидрометеоролошки работи (УХМР).
Минималната температура ќе биде од 5 до 11 степени, а максималната ќе достигне од 12 до 17 степени Целзиусови.
И во Скопје ќе биде променливо облачно. Претпладне повремено ќе врне дожд.
„Минималната температура ќе се спушти до 10, а максималната ќе достигне 17 степени“,
велат синоптичарите.
И следните денови, според УХМР, се очекува променливо и врнежливо време со услови за повремени грмежи. Повремено ќе дува и засилен ветер.