Пред објавувањето, Белата куќа рече дека Американците ќе бидат шокирани од откритијата во документите
Американскиот претседател Доналд Трамп денеска објави материјали поврзани со атентатот на поранешниот претседател Џон Кенеди во 1963 година, исполнувајќи го своето предизборно ветување за поголема транспарентност за кобниот настан во Тексас.
Строго доверливите досиеја за атентатот на американскиот претседател Џон Кенеди се објавени на веб-страницата на Националниот архив.
Пред објавувањето, Белата куќа рече дека Американците ќе бидат шокирани од откритијата во документите.
„Ќе ги објавиме сите досиеја на Кенеди. Луѓето го чекаа ова со децении. Имаме огромен број документи. Ќе имате многу за читање“,
рече Трамп.
JFK files RELEASED after Trump pledged to reveal the truth behind the infamous assassination https://t.co/qgeE9QHNba
— Daily Mail Online (@MailOnline) March 18, 2025
За време на неговата кампања во 2024 година, Трамп вети дека овие документи ќе ги стави на располагање како дел од пошироките напори за зголемување на владината транспарентност.
Во јануари годинава потпиша извршна наредба за декласификација на преостанатите досиеја.
Конгресменката Ана Паулина Луна е назначена од Надзорниот комитет на Претставничкиот дом да ја води новоформираната Работна група за декласификација на федералните тајни.
Оваа група се фокусира на откривање државни тајни и зголемување на транспарентноста, вклучително и објавување досиеја поврзани со покојниот финансиер и педофил Џефри Епштајн, како и атентатите на Мартин Лутер Кинг Џуниор и братот на Кенеди, Роберт Ф. Кенеди.