Дел од европските лидери упатија зборови на поддршка за Зеленски по средбата со Трамп

„Мислам дека бевме во право што ѝ помогнавме на Украина и ја санкциониравме Русија пред три години и продолживме да го правиме тоа. Мораме да ги почитуваме оние кои се борат од почетокот“, порача францускиот претседател Емануел Макрон

Дел од европските лидери почнаа да ги споделуваат своите првични реакции по средбата на украинскиот претседател Володимир Зеленски и претседателот на САД, Доналд Трамп во Белата куќа.

Зборови на поддршка за Украина испратија повеќе европски лидери меѓу кои францускиот претседател Емануел Макрон.

„Постои агресор, а тоа е Русија, постои нападнат народ, тоа е Украина. Мислам дека бевме во право што ѝ помогнавме на Украина и ја санкциониравме Русија пред три години и продолживме да го правиме тоа. Мораме да ги почитуваме оние кои се борат од почетокот“, _{изјави францускиот претседател Емануел Макрон за новинарите во Португалија пред крајот на неговата посета на земјата.}

Зеленски и украинскиот народ го поддржаа и полскиот премиер и експретседател на Европскиот совет Доналд Туск, премиерот на Шпанија, Педро Санчез, премиерот на Шведска, Улф Кристерсон, претседателот на Литванија, Гитанас Наузеда, министерот за надворешни работи на Естонија, Маргус Цахкна, претседателката на Молдавија, Маја Санду…

„Почитуван Зеленски, драги украински пријатели, не сте сами“, _{напиша полскиот премиер и поранешен претседател на Европскиот совет, Доналд Туск, во објава на Икс.}

Dear @ZelenskyyUa, dear Ukrainian friends, you are not alone.

— Donald Tusk (@donaldtusk) February 28, 2025

„Украина, Шпанија е со вас“, _{порача шпанскиот премиер Педро Санчез.}

Ucrania, España está contigo.

Ukraine, Spain stands with you.

Україно, Іспанія з тобою. 🇺🇦 🇪🇸

— Pedro Sánchez (@sanchezcastejon) February 28, 2025

„Шведска стои со Украина. Вие не се борите само за својата слобода, туку и за цела Европа. Слава на Украина“, _{порача премиерот на Шведска, Улф Кристерсон.}

Sweden stands with Ukraine. You are not only fighting for your freedom but also for all of Europe’s. Slava Ukraini! 🇺🇦

— SwedishPM (@SwedishPM) February 28, 2025

„Украина, никогаш нема да чекориш сама“, _{напиша во објава на Икс претседателот на Литванија, Гитанас Наузеда.}

Ukraine, you'll never walk alone.

— Gitanas Nausėda (@GitanasNauseda) February 28, 2025

„Единствената пречка за мирот е одлуката на Путин да ја продолжи својата агресивна војна. Ако Русија престане да се бори, нема да има војна. Ако Украина престане да се бори, нема да има Украина. Поддршката на Естонија за Украина останува непоколеблива. Време е Европа да се засили“, _{порача министерот за надворешни работи на Естонија, Маргус Цахкна.}

The only obstacle to peace is Putin’s decision to continue his war of aggression.
If Russia stops fighting, there will be no war.
If Ukraine stops fighting, there will be no Ukraine.

Estonia’s 🇪🇪support to Ukraine 🇺🇦 remains unwavering. Time for Europe to step up. pic.twitter.com/KXHn2fm8CN

— Margus Tsahkna (@Tsahkna) February 28, 2025

„Вистината е едноставна. Русија ја нападна Украина. Русија е агресорот. Украина ја брани својата слобода – и нашата. Со Украина сме“, _{порача претседателката на Молдавија, Маја Санду.}

The truth is simple.

Russia invaded Ukraine. Russia is the aggressor.

Ukraine defends its freedom—and ours.

We stand with Ukraine.

— Maia Sandu (@sandumaiamd) February 28, 2025