За утре се најавува променливо облачно време со сончеви периоди и со умерен ветер од северен правец
Променливо облачно со повремени врнежи – вакво време најавува Управата за хидрометеоролошки работи (УХМР) за денеска. Врнежите на планините и на некои повисоки места ќе бидат од снег, а во пониските од дожд кои повремено ќе преминуваат во снег. Во текот на денот ќе дува слаб до умерен, уште од претпладне, вдолж Повардарието повремено засилен ветер од северен правец. Слаб снег во планинските региони ќе има и во текот на ноќта. Утринската температура ќе биде од минус 1 до 5 Целзиусови степени, а во текот на денот од 1 до 9 степени.
Времето во Скопје ќе биде променливо облачно со услови за слаб повремен дожд, а на повисоките делови со услови за слаб снег. Во текот на денот ќе дува и слаб северен ветер. Темпартурата ќе биде во интервал од 3 до 9 степени.
За утре синоптичарите најавуваат променливо облачно време со сончеви периоди и со умерен ветер од северен правец. Температурата ќе биде од минус 3 до 5 степени наутро, а во текот на денот од 1 до 7 степени.