Раперот Џони за спотот во „Македониумот“: Немав намера да провоцирам, навредам или да девалвирам која било држава или симбол

Локацијата беше едноставно дел од сценариото и беше избрана од продукцијата. Немаше скриена порака, немаше тенденција за провоцирање и немаше друга цел надвор од уметноста, вели косовскиот пејач

Познатиот косовски рапер Дон Џони реагираше по дебатата во земјава откако делови од спотот за својата песна „Секси мама“ ги сними на споменикот „Македониум“ во Крушево.

Соочен со реакциите, пејачот на социјалните мрежи даде своја верзија на случувањата и околностите во кои се направени тие делови од видеоспотот.

„Гледам дека ‘Секси’ предизвикува голема дебата во Северна Македонија. За појаснување: ниту јас ниту мојот тим немавме намера да провоцираме, навредиме или девалвираме која било земја или симбол. Таа локација беше едноставно дел од сценариото и беше избрана од продукцијата. Немаше скриена порака, немаше тенденција за провоцирање и немаше друга цел надвор од уметноста“,

вели тој во објава на социјалните мрежи.

Премиерот Христијан Мицкоски претходно изјави дека уште денеска од министерот за култура и туризам Седат Сулејмани ќе побара да бидат разрешени директорот и членовите на Управниот одбор на Националната установа Историски музеј – Крушево, под чија надлежност е и споменикот „Македониум“.

Мицкоски за случајот со „Македониумот“: Ќе побарам разрешување на директорот и на Управниот одбор на оваа културна институција

По изјавата на премиерот Мицкоски, в.д. директорот на Националната установа Историски музеј – Крушево, Миха Оџаклиевски, поднесе неотповиклива оставка од функцијата.

Директорот на НУ Историски музеј – Крушево поднесе неотповиклива оставка: Се извинувам за ненамерниот пропуст